نوشهرو فيروز ۾ اين ٽي ايس ٽيسٽ پاس اميدوارن جو آفر آرڊر نھ ملڻ خلاف احتجاج

2013 ۾ اين ٽي ايس ٽيسٽ ۾ ميرٽ تي پاس ٿياسين پر 13 سالن کان سراپا احتجاج بڻيل آهيون: اميدوار

نوشهرو فيروز(ڊ ر) اين ٽي ايس ٽيسٽ پاس ڪندڙ 2013 جي استاد اميدوارن کي آفر آرڊر نه ڏيڻ خلاف پريس ڪلب نوشهرو فيروز اڳيان احتجاجي مظاهرو ڪيو ويو۔ احتجاج جي اڳواڻي سيد فهيم شاهه۔ شهزادو وسطڙو۔ شهمير سولنگي۔ امجد وسطڙو ۽ ٻيا ڪري رهيا هئا ان موقعي تي هنن چيو ته اسان 2013 ۾ اين ٽي ايس ٽيسٽ ۾ ميرٽ استاد اميدوار طور پاس ٿيا آهيون پر 13 سالن کان پوري سنڌ ۾ سراپا احتجاج بڻيل آهيون پر سنڌ حڪومت اين ٽي ايس ٽيسٽ پاس ڪندڙ مان پنهنجن من پسند ماڻهن کي يونين ڪائونسل بنياد تي هٿرادو ويڪنسيز تيار ڪري ڀرتي ڪيا هئا باقي 60 کان 97 مارڪون کڻندڙ سوين اميدوارن کي پنهنجي حق کان محروم ڪيو ويو جنھن ڪري اسان انصاف لاء عدالتن جو در کڙڪايو آهي عدالتن پڻ اسان جي حق جي ڳالھ ڪئي تنهن جي باوجود به سنڌ حڪومت اسان سان انصاف ناهي ڪيو هر دفعي سنڌ اندر لوز پاليسون ٺاهي پنهنجن ماڻهن کي وري به هارڊ ايريا قرار ڏئي لڳ ڀڳ 97 هزار استاد ڀرتي ڪيا آهن جڏهن ته اين ٽي ايس 2013 ٽيسٽ پاس اميدوار استادن جي حق کان محروم ڪيو ويو آهي 13 سالن پوري سنڌ ۾ احتجاج ۽ جدوجهد ڪندا اچون پيا پر اسان جي ڪير ٻڌڻ وارو نه آهي هر دفعي حڪمرانن اسان سان واعدا ڪري ڌوڪا ڏنا آهن جيستائين اسان کي پنهنجو حق نه ملندو اسان جو احتجاج جاري رهندو۔