سجاول ڀرسان نوجوان دڙو بئراج ۾ وهنجندي ٻڏي فوت، 4 ڪلاڪن جي ڳولا بعد لاش هٿ

سجاول (رپورٽر) سجاول ڀرسان دڙو بئراج جي برانچ موري ۾ وهنجڻ دوران ٻڏي ويل نوجوان امير شاهه جو لاش آخرڪار چئن ڪلاڪن جي مسلسل ريسڪيو آپريشن بعد ڪڍي ورتو، سجاول جي بئراج ۾ پنج نوجوان وهنجڻ لاءِ پاڻي ۾ لٿا جتي اوچتو گهري پاڻي سبب سڀ نوجوان ٻڏڻ لڳا۔ واقعي کانپوءِ مقامي ماڻهن، غوطه خورن ۽ ريسڪيو ٽيمن فوري طور امدادي ڪارروائي شروع ڪئي ريسڪيو ذريعن موجب، چار نوجوانن کي حفاظت سان بچايو ويو، جڏهن ته 20 ورهين جي نوجوان امير شاهه جي لاش چئن ڪلاڪن جي ڳولا بعد پاڻي مان ڪڍي ويو۔ فوتي نوجوان جي لاش ضروري ڪارروائي لاءِ سول اسپتال سجاول منتقل ڪيو ويو ٻڏڻ واري واقعي ۾ عمير ميمڻ، سهيل شاهه ۽ شمون شاهه کي اڳ ئي بچايو ويو هو، جڏهن ته ريسڪيو آپريشن مڪمل ڪيو ويو آهي واقعي واري هنڌ تي اسسٽنٽ ڪمشنر محمد ڪميل، ٻين انتظامي آفيسرن، وارثن ۽ شهرين جو وڏو انگ موجود رهيو، جڏهن ته علائقي ۾ سوڳ جي فضا ڇائنجي وئي