روهڙي ڀرسان حادثو، عورت کي اغوا ڪري فرار ٿيندڙ 2 ڄڻا فوت، مغوي عورت زخمي

74 views | 11th May 2026 • سنڌي خبرون

ٽرالر جي ٽڪر ۾ 50ورهين جو والي ڏنو عرف ٽروهه جاگيراڻي ۽ عرض محمد جاگيراڻي فوت

روهڙي ڀرسان حادثو، عورت کي اغوا ڪري فرار ٿيندڙ 2 ڄڻا فوت، مغوي عورت زخمي

روهڙي(رپورٽر) روهڙي لڳ ڳوٺ صاحب خان جسڪاڻي ويجهو قومي شاهراهه تي ٽرالر جو موٽر سائيڪل ٽڪر، ٽڪر لڳڻ جي نتيجي ۾ ٻه ڄڻا فوت هڪ عورت سخت زخمي اسپتال منتقل، حادثي دوران فوت ٿي ويل جي سڃاڻپ پنجاھ ورهين جو والي ڏنو عرف ٽروھ جاگيراڻي ۽ عرض محمد پٽ دارا جاگيراڻي طور ٿي آهي جڏهن ته حادثي دوران زخمي ٿيل عورت جي سڃاڻپ مسمات نظيران زال نثار ڀارو طور ٿي آهي جنهن کي ڳڻتي جوڳي حالت ۾ علاج لاءِ سکر جي سول اسپتال منتقل ڪيو ويو آهي،پيو وڃي ته حادثي دوران فوت ٿي ويل جاگيراڻي برادري جا ماڻهون ڪچي جي ڳوٺ شاھ بخش واري علائقي مان زخمي عورت کي مبينا طور اغوا ڪري کڻي وڃي رهيا هئا ته رستي روڊ ۾ روڊ حادثو پيش آيو جنهن دوران جاگيراڻي برادري سان تعلق رکندڙ ٻه ڄڻا ٿڏي تي ئي فوت ٿي ويا جڏهن ته مبينا طور اغوا ڪري کڻي آيل عورت سخت زخمي ٿي پئي اهڙي اطلاع بعد رابطو ڪرڻ تي جهانگڙو پوليس ٻڌايو آهي ته اطلاع آهن حادثي دوران فوتين ۽ زخمي عورت کي ضروري گهرجون پوريون ڪرڻ لاءِ اسپتال منتقل ڪيو ويو آهي جاگيراڻي برادري جا ماڻهون ناري کي مبينا طور اغوا ڪري کڻي وڃي رهيا هئا ته رستي ۾ حادثو پيش آيو آهي ان حوالي سان وڌيڪ جاچ ڪريون پيا تمام جلد سڀ حقيقتون سامهون آنديون ويندو