ٺٽو: ڄام واهه ۾ پاڻي نه اچڻ خلاف ڳوٺاڻن جو احتجاج

مختلف ڳوٺن جي رهواسين پاران پاڻي کوٽ خلاف احتجاج ڪيو ويو

ٺٽو (محمد شفيق ڀٽي)ڄام واھ ٺٽو ۾ پاڻي نہ اچڻ سبب ڳوٺاڻن جو احتجاج، پاڻي ڏيو، فصل بچايو جا نعرا، خبر موجب ڄام واھ برانچ جي ٽيل تي پاڻي نہ پھچڻ خلاف ڳوٺ گلشير جوکيو، خدابخش ملاح،رئيس گل محمد جوکيو ۽ درگاھ درس گريو جي ڳوٺاڻن سخت احتجاج ڪندي چيو آھي ڄام واھ ۾ ڪافي عرصي کان کانٽي نہ ٿيڻ سبب پاڻي ٽيل تائين نٿو پھچي،جڏھن تہ ان سان گڏ بااثر زميندارن پاران وڏيون مشينون برانچ تي رکي پاڻي ڇڪڻ سبب پاڻي اھي کڻيون وڃن ۽ اسان پوڇڙ وارن تائين پاڻي نٿو پھچي، جنھن ڪري اسان جون زمينون، بنجر، غير آباد ۽ ويران بڻيل آھن،ماڻھن ۽ جانورن کي پيئڻ لا پاڻي نٿو ملي،جنھن سبب سوين ڳوٺاڻن کي وڏي تڪليف کي منھن ڏسڻو پئجي رھيو آھي،ھنن چيو تہ اسان ڪافي دفعا ايريگيشن عملدارن وٽ دانھيون آھي پر ھو ڪو بہ ايڪشن کڻڻ لا تيار ناھن، ھنن چيو تہ باثر زميندار کانٽي کڻڻ ۾ پڻ رڪاوٽ بڻيل آھن ۽ غيرقانوني دڪا ھڻي ھيوي لفٽ مشينون ھلائي سڀ پاڻي چوري ڪري رھيا آھن، ھنن ايريگيشن عملدارن، چونڊيل نمائندن ۽ ڊي سي ٺٽو کان مطالبو ڪيو آھي تہ فوري طور ڄام برانچ جي کانٽي ڪرائي وڃي، بااثر زميندارن جا دڪا ختم ڪرايا وڃن ۽ سندن غيرقانوني لفٽ مشينون بند ڪرائي پوڇڙ تائين پاڻي پھچڻ کي يقيني بنايو وڃي، ٻي صورت ۾ وڌيڪ احتجاجي تحريڪ ھلائي ويندي