ٺٽو: يونين ڪائونسل ڪيٽي بندر ۾سامونڊي ويرن تباهي مچائي ڇڏي

ٺٽو(ڊر) يونين ڪائونسل ڪيٽي بندر ۾سامونڊي ويرن تباهي مچائي ڇڏي تنهن هوندي به انتظاميا ڪو به تحرڪ نه ورتو چار ڏينهن اڳ بچاءُ بند کي گهارا، پوڻ سبب ٽن ڳوٺن ۾ سمنڊ جو پاڻي داخل ٿيو ڳوٺاڻن پاران ، لڏپلاڻ هلندڙ انتظاميا غائب يونين ڪائونسل ڪيٽي بندر ۾ سمنڊ جي ويرون چڙهڻ پوءِ سمنڊ ۾ چاڙهه اچڻ سبب بچاءُ بند ڪيترن ئي هنڌن تان ٽٽي پيو، جنهن جي نتيجي ۾ سمنڊ جو کارو پاڻي رهائشي علائقن ۾ داخل ٿي ويو آهي سمنڊ جي تيز لهرن ۽ بند کي پيل گهارن سبب ڳوٺ علي بخش جت ڳوٺ هاشم جت ڳوٺ عثمان دبلو پاڻي گهرن ۾ داخل ٿيڻ کان پوءِ سوين خاندان کليل آسمان هيٺ بي يار و مددگار بڻجي ويا آهن ۽ ڳوٺن مان لڏپلاڻ سلسلو شروع ٿي ويو آهي. ڳوٺاڻن جو قيمتي سامان ۽ مال متاع پڻ متاثر ٿيڻ جو خدشو آهي. متاثر ڳوٺاڻن بابو جت ۽ ٻين ميڊيا وٽ دانهون ڪندي ٻڌايو ته اسان ڪيترائي ڀيرا لاڳاپيل انتظاميه کي آگاهه ڪيو هو ته سمنڊ کان بچاءُ لاءِ ڏنل بند گهارا پيا آهن، پر اسان جي ڪنهن به هڪ نه ٻڌي. اڄ انتظاميه جي نااهليءَ سبب لڏپلاڻ شروع ڪئي آهي اسان جا گهر ٻڏي ويا آهن ۽ اسان دربدر ٿي ويا آهيون." ڳوٺاڻن سنڌ جي وڏي وزير، آبپاشي کاتي جي وزير ۽ ٻين اعلٰي اختيارين کان مطالبو ڪيو آهي ته فوري طور تي بچاءُ بند کي لڳل گهارن کي بند ڪيو وڃي. متاثر ڳوٺاڻن جي واهر ڪئي وڃي ۽ کين محفوظ هنڌن تي منتقل ڪيو وڃي. بند جي مضبوطي لاءِ مستقل بنيادن تي ڪم ڪرايو وڃي ته جيئن مستقبل ۾ اهڙي نقصان کان بچي سگهجي.