سامارو ۾ جوابدار ڪارنهن الزام هيٺ ڀاءُ ۽ زال کي قتل ڪري ڇڏيو

عمرڪوٽ ( ڊ ، ر ) سامارو ڀرسان ديهه بکورو جي ڳوٺ حاجي رمضان شر ۾ ڪارنهن جي الزام هيٺ مبينا طور تي ٻٽو قتل ٿيڻ جو افسوسناڪ واقعو پيش آيو، جنهن ۾ هڪ شخص پنهنجي زال ۽ نوجوان ڀاءُ کي قتل ڪري ڇڏيو، پوليس موجب جوابدار اميد علي شر پنهنجي زال پٺاڻي شر ۽ ڀاءُ شهباز شر کي ڪارنهن جي الزام هيٺ قتل ڪيو، واقعي جي اطلاع ملندي ئي هند پوليس واقعي واري هنڌ پهچي لاش تحويل ۾ وٺي ضروري ڪارروائي شروع ڪئي، هوڏانهن ايس ايس پي عمرڪوٽ سهائي عزيز ٽالپر واقعي واري هنڌ، ڳوٺ حاجي رمضان شر بکورو، تعلقو سامارو جو دورو ڪيو ۽ جاچ جي عمل جو تفصيلي جائزو ورتو ۽ ايس ايس پي جي حڪم تي پوليس فوري ڪارروائي ڪندي جوابدار اميد علي شر کي گرفتار ڪري ورتو آهي، جڏهن ته واقعي بابت وڌيڪ قانوني ڪارروائي جاري آهي، واقعي کانپوءِ علائقي ۾ ڏک ۽ خوف جي لهر ڇانيل آهي، جڏهن ته پوليس موجب ڪيس جي مختلف پهلوئن کان جاچ جاري آهي.