ٺٽو: يومِ مادرِ وطن جي جلسي دوران ٿيل جهيڙي جو نبيرو

احسان علي بروهي ۽ حيدر شورو وچ ۾ ٿيل جهيڙي جو ايس ٽي پي هائوس مڪلي تي نبيرو ٿيو

ٺٽو( رپورٽ شفيق ڀٽي)يومِ مادرِ وطن جي جلسي دوران بروهي برادري جي نوجوان احسان علي بروهي ۽ حيدر شورو وچ ۾ ٿيل جهيڙي جو نبيرو ايس ٽي پي هائوس (ترقي پسند هائوس) مڪلي تي ڪيو ويو. فيصلي جي امينن ۾ سنڌ ترقي پسند پارٽي جو وائيس چيئرمين حيدر شاهاڻي، سردار پير بخش بروهي، مرڪزي اڳواڻ امتياز سمون، جي ڊي اي اڳواڻ شاهنواز بروهي،جان محمد جوڻيجو اقبال حاجاڻو سيد جلال شاهه ڪامريڊ ناٿو خان بروهي ۽ وڏيرو شڪيل بروهي شامل هئا. فيصلي دوران ٻنهي ڌرين پاڻ ۾ ڀاڪر پائي هڪ ٻئي کي تڏو ڏئي صلح صفائي ڪري ورتي ۽ کين کير کنڊ ڪيو ويو. اڳواڻن ان موقعي تي ڀائيچاري، امن ۽ اتحاد جو پيغام ڏيندي چيو ته اهڙا تڪرار ڳالهين ۽ بردباري سان حل ٿيڻ گهرجن ته جيئن علائقي ۾ امن ۽ يڪجهتي برقرار رهي. ان موقعي تي سيد جلال شاھ ضلعي صدر ايس ٽي پي ٺٽو سيٺ نواب بروهي، راجو قريشي، جميل سمون، مير محمد بروهي، محبوب شورو، وڏيرو داد محمد بروهي، ڪامريڊ گلاب لنڊ، علي دوست بروهي، لونگ سمون، حڪيم بروهي، عمر ناهيو، علي محمد مالهيو، اڪبر ڀٽو، صاحبڏنو سمون سميت ٻيا پڻ موجود هئا.