شڪارپور ۾ بدنام ۽ 3لک انعام يافته ڏوهاري گرفتاري ڏئي ڇڏي

مهراب شر ايس ايس پي محمد ڪليم ملڪ آڏو پيش ٿي گرفتاري ڏني

شڪارپور(احسان ابڙو) ايس ايس پي شڪارپور محمد ڪليم ملڪ جي بھتر حڪمت عملي پوليس پريشر کانپوء ڏوھاري پوليس آڏو پيش ٿيڻ شروع ٿي ويا,ڳاھيجا سميت مختلف ٿاڻن جي پوليس کي ڪيترن ئي ڪيسن ۾ گھربل انعام يافتہ ڏوھاري مھراب شر پوليس آڏو پيش ٿيو,ان سلسلي ۾ ايس ايس پي شڪارپور محمد ڪليم ملڪ پنھنجي آفيس ۾ پريس ڪانفرنس ڪندي ميڊيا سان ڳالھائيندي چيو تہ ڏوھارين خلاف ڪاروائيون جاري آھن,پوليس پريشر ۾ اچي ھڪ ڏوھاري مھراب شر پاڻ مرادو پوليس وٽ پيش پيو آھي ھن ڏوھاري مٿان مختلف قسم جا سنگين ڪيس داخل ٿيل آھن جڏھن تہ ھن مٿان سرڪار پاران 3 لک انعام پڻ مقرر ٿيل آھي,حڪومت جي سرينڊر پاليسي تحت پوليس وٽ پيش ٿيندڙ ڏوھارين سان ڪيسن ۾ بہ رعايت ڪئي ويندي,ھن چيو تہ مان ٻين ڏوھارين کي بہ کليل پيغام ڏيان پيو تہ ھو ڏوھن جي دنيا کي ڇڏي شرافت واري زندگي گذارن ٻي صورت ۾ پيش نہ پوندڙ ڏوھارين خلاف سخت ڪاروائي ڪئي ويندي ۽ ھو پنھنجي انجام جو انتظار ڪن,پريس ڪانفرنس ۾ اي ايس پي سٽي آصف کرل,ايس ايڇ او نيوفوجداري اختر ابڙو,ايس ايڇ او ڳاھيجا طالب ميمڻ پڻ موجود ھئا.