گلشنِ هديد فيز ٽو ۾ وڻن جي غير قانوني واڍي ۽ رولو ڪتن جي آزار جون شڪايتون

شهرين جي شڪايتن ۽ ميڊيا جي خبرن بعد ڊي سي پاران فوري ڪارروائي جي هدايت

ملير (رپورٽ: عبدالرشيد مورجھريو) گلشنِ حدید فیز ٹو ۾ وڻن جي غير قانوني واڍي ۽ رولو ڪتن جي وڌندڙ آزار بابت ميڊيا ۾ خبرون اچڻ ۽ شهرين جي شڪايتن تي ڊپٽي ڪمشنر ملير فوري ڪارروائي جون هدايتون جاري ڪري ڇڏيون آهن۔آفيس آف ڊپٽي ڪمشنر ضلع ڪراچي ملير طرفان جاري ڪيل ليٽر موجب ميونسپل ڪمشنر ٽي ايم سي گڏاپ کي هدايت ڪئي وئي آهي ته گلشنِ حدید فيز ٽو ۾ وڻن جي غير قانوني واڍي ۽ رولو ڪتن جي مسئلي بابت مليل شڪايتن جو فوري جائزو وٺي ضروري قدم کنيا وڃن۔سرڪاري ليٽر مطابق ڪمشنر ڪراچي ڪمپلينٽ مينيجمينٽ يونٽ ۾ ٽي مختلف شڪايتون داخل ڪيون ويون، جن مان 20 اپريل 2026 تي ايم زاهد خان، 16 مارچ 2026 تي زهيب خان، جڏهن ته 16 اپريل 2026 تي گلشنِ حدید فيز ٽو جي رهواسين طرفان درخواستون جمع ڪرايون ويون۔ليٽر ۾ وڌيڪ هدايت ڪئي وئي آهي ته شڪايتن جي مواد جو جائزو وٺي فوري طور مسئلو حل ڪيو وڃي ۽ ان بابت رپورٽ ڊپٽي ڪمشنر آفيس کي موڪلي وڃي، جيئن ڪمشنر ڪراچي ڪمپلينٽ مينيجمينٽ يونٽ ۾ ڪيس جي صورتحال کي اپڊيٽ ڪري سگهجي۔ايڊيشنل ڊپٽي ڪمشنر II ملير طرفان جاري نوٽيفڪيشن جون نقول اسسٽنٽ ڪمشنر جنرل ڪمشنر آفيس ڪراچي، ڊپٽي ڪمشنر ملير جي پي اي ۽ شڪايت ڪندڙن کي پڻ موڪلي ڏنيون ويون آهن۔ علائقي واسين اميد ظاهر ڪئي آهي ته ضلعي انتظاميا طرفان فوري قدم کنيا ويندا، جيئن ماحولياتي تحفظ کي يقيني بڻايو وڃي ۽ شهرين کي آواره ڪتن سبب پيش ايندڙ خطرن کان محفوظ بڻايو وڃي۔