مورو پوليس پاران اغوا ڄاڻايل نياڻي بينظير ڀٽو کي بازياب ڪرائڻ جي دعويٰ

148 views | 21st Apr 2026 • سنڌي خبرون

بينظير ڀٽو کي بازياب ڪرائي راشد ماڇي ۽ معشوق ماڇي کي گرفتار ڪيو ويو: فائزه سوڍر

مورو پوليس پاران اغوا ڄاڻايل نياڻي بينظير ڀٽو کي بازياب ڪرائڻ جي دعويٰ

مورو (جاني جماڻي) ڊي ايس پي مورو فائزه سوڍر ۽ ايس ايڇ او مورو امتياز کھاوڙ جي ڪامياب ڪارروائي اغوا ٿيل نياڻي بينظير ڀٽو کي باحفاظت بازياب ڪرائي ٻن جوابدارن کي گرفتار ڪري ورتو آهي ڊي ايس پي آفيس ۾ پريس ڪانفرنس ڪندي فائزه سوڍر ۽ ايس ايڇ او مورو امتياز علي کھاوڙ ميڊيا کي ٻڌايو ته ٻه ڏينهن اڳ نوراني ڪالوني ماڇي ۽ ڀٽا برادري ۾ سڱاوتي تڪرار تان ماڇي برادري جي 8 کان وڌيڪ ھٿياربندن ڏينھن جي وقت عزيزﷲ ڀٽو جي گھر تي حملو ڪري سندس جو ٻه نياڻيون اقرا ڀٽو ۽ بينظير ڀٽو کي اغوا ڪري سندن والد عزيزﷲ ڀٽو کي زخمي ڪري فرار ٿي ويا ھيا ڪجھ پنڌ تي اقرا ڀٽو کي ڇڏي بينطير ڀٽو کي اغوا ڪري فرار ٿي ويا ھيا اھڙي واقعي کانپوء ايس ايس پي نوشھروفيروز مير روحل خان کوسو سختي سان نوٽيس وٺندي ڊي ايس پي فائزه سوڍر ۽ ايس ايڇ او مورو امتياز کھاوڙ جي اڳواڻي ۾ جانچ ٽيم ٺاھي ھئي پوليس مختلف ھنڌن تي ڇاپا ھڻي نياڻي بينظير ڀٽو کي باحفاظت بازياب ڪرائي ٻن جوابدارن راشد ماڇي ۽ معشوق ماڇي کي گرفتار ڪري ڪيس داخل ڪري ڇڏيو آهي ۽ ٻين جوابدارن جي گرفتاري لا۽ ڇاپا ھنيا پيا وڃن جلد انھن کي به گرفتار ڪيو ويندو ٻئي پاسي زخمي عزيزﷲ ڀٽو جو پٽ شھباز ڀٽو نوراني ڪالوني واسيڻ خالده ماڇي کي پيار جي پرڻي لا۽ کڻي ويو ھيو جنھن کانپوء ٻنھي ڌرين ۾ تڪرار تيز ٿي ويو ھيو،