نوشهروفيروز ۾ آءِ بي اي ٽيسٽ پاس اميدوارن جو احتجاج

ٽيسٽ پاس ڪرڻ باوجود هن وقت تائين آفر آرڊر ناهن مليا: اميدوار

نوشهروفيروز (ڊ ر) نوشهروفيروز ۾ آءِ بي اي جي ٽيسٽ پاس ڪندڙ اميدوارن پي ايس ٽي ۽ جي ايس ٽي استادن آفر آرڊر نه ملڻ خلاف پريس ڪلب آڏو احتجاجي مظاهرو ڪيو جنهن جي اڳواڻي عرفان علي چوهاڻ، عبدالله کوسو ، عارف سولنگي وسيم کوکر، گلزار منگي، عتيق سومرو ۽ ٻيا ڪري رهيا هئا جن نعريبازي به ڪئي ان موقعي تي ميڊيا سان ڳالهائيندي اڳواڻن چيو ته گذريل ڇهن سالن کان پنهنجي جائز حقن لاءِ احتجاج ڪري رهيا آهيون پر ان طرف سرڪار ڪو به ڌيان نه پئي ڏئي جنهن سبب اسان جي ذهنن م بيچيني پيدا ٿي وئي آهي هنن چيو ته 40 پلس ويٽنگ ۾ رهيل استاد جيڪي اسان گذريل 9 مهينن کان ڪراچي ۽ احتجاج پيا ڪيون ۽ ايم اين اي توڙي ايم پي اي جي درن تي به احتجاج ڪيو آهي پر ڪير به ٻڌڻ لاءِ تيار نه آهي هنن مطالبو ڪيو ته آفر آرڊر جاري ڪري روزگار ڏنو وڃي ٻي صورت ۾ احتجاج جاري رکيو ويندو