نوشهروفيروز ڀرسان سيد ثمر نقوي ۽ سندس ٽيم جي زير نگراني ۾ طبي ڪيمپ قائم

400کان وڌيڪ مريضن کي چيڪ اپ ڪرڻ بعد کين دوائون ڏنيون ويون

مهانگائي ۽ غربت سبب غريب ماڻهو علاج کان محروم آهي، انهن لاءِ ڪيمپون لڳائي رهيا آهيون: نعيم کوسو ۽ ٻيا نوشهروفيروز(ڊر)سماجي اڳواڻ سيد ثمر نقوي ۽ سندس ٽيم جي زير نگراني ڳوٺ ڪريمداد کوسو ۾ هڪ ڏينهن جي مفت ميڊيڪل ڪئمپ لڳائي ويئي جنهن ۾ سينئر ڊاڪٽر محمد عمران راجپوت مختلف بيمارين ۾ ورتل 400 کان وڌيڪ مريضن جو مفت چيڪ اپ ڪري دوائون ڏنيون ويون. ان موقعي تي سماجي اڳواڻن سيد ثمر نقوي۔ اعجاز ممنائي۔ سيد اسير شاھ۔ محمد بلاول مغل۔ ڪئمپ جي آرگنائيزر ايڊووڪيٽ نعيم احمد کوسو ۽ ٻين چيو ته هن وقت ملڪ ۾ غربت ڏينهن ڏينهن وڌي رهي آهي جنهنڪري ماڻهو پنهنجو علاج ڪرائڻ کان قاصر آهن۔اهڙي حالت ڏسي اسان پوئتي پيل علائقن ۾ ميڊيڪل ڪئمپون لڳائي آهيون جيئن مسڪين ماروئڙا صحتمند هن علائقي ۽ پسگردائي جي ڳوٺن ۾ گيسٽرو کنگھ بخار مليريا پيٽ ۽ چمڙيء جون بيماريون عام آهن ڇوته هن علائقي اندر جر جو پاڻي نهايت خراب آهي جنهنڪري ڳوٺاڻا خاص طور تي ننڍڙا ٻار مختلف بيمارين ۾ ورتل آهن جنهن جي علاج جو انتظام ڪيو آهي ۽ ڊاڪٽرن جي ٽيم وٺي ۽ دوا کڻي علائقي واسين جي مدد ڪري رهيا آهيون۔ اڳواڻن چيو ته خدمت خلق عين عبادت آهي هن ميڊيڪل ڪئمپ ۾ ٻارڙن مردن توڙي عورتن جو مفت علاج ڪيو پيو وڃي۔هن ڪئمپ ۾ ڳوٺ جي والنٽيئر نوجوانن ڪئمپ جا بهترين انتظام ڪيا آهن جن تي کين خراج تحسين پيش ڪريون ٿا۔