ڪراچي: زيبسٽ زيبٽيڪ صحت کاتو، حڪومتِ سنڌ سان گڏ ايس آءِ ايڇ ڊبليو اي پي جو معاهدو

معاهدي تي صحيحون ڪرڻ واري تقريب ۾ سنڌ جي صوبائي وزيرِ صحت ڊاڪٽر عذرا فضل پيچوهو خاص طور شريڪ

ڪراچي (اسٽاف رپورٽر) زيبسٽ زيبٽيڪ صحت کاتو، حڪومتِ سنڌ سان گڏ سنڌ انٽيگريٽيڊ هيلٿ اينڊ وومين ايمپاورمينٽ پراجيڪٽ (SIHWEP) لاءِ هڪ معاهدي تي صحيحون ڪيون آهن۔ هن تقريب ۾ سنڌ جي صوبائي وزيرِ صحت ڊاڪٽر عذرا فضل پيچوهو جي خصوصي شرڪت رهي، جڏهن ته SIHWEP ۽ SZABIST ZABTech (iTVE) جا عملدار پڻ موجود هئا۔ هن معاهدي تي صحيحون محترمه وحيده مهيسر، ايگزيڪيوٽو ڊائريڪٽر SZABIST ZABTech (iTVE)، ۽ جناب شفقت سومرو، پراجيڪٽ ڊائريڪٽر SIHWEP پاران ڪيون ويون۔ هن قدمن تحت، زيبسٽ زيبٽيڪ سڄي سنڌ ۾ 6,000 عورتن کي مهارتن جي ترقي ۽ ووڪيشنل ٽريننگ فراهم ڪندو، جنهن سان عورتن جي مالي خودمختياري ۽ بااختياري کي هٿي ملندي۔