بحريا ٽائون، عثمان الھرکيو گبول ڳوٺ ۾ ڦر جي ڪوشش ناڪام، ڦورو زخمي حالت ۾ فرار

ملير (رپورٽ: عبدالرشيد مورجھريو)بحريه ٽائون جي علائقي عثمان الھرکيو گبول ڳوٺ ۾ هڪ گهر اندر ڦر جي ڪوشش دوران جوابدارن کي سخت مزاحمت کي منهن ڏيڻو پيو نتيجي ۾ گهر مالڪن جي فائرنگ سبب هڪ ڦورو زخمي ٿي ويو جيڪو زخمي حالت ۾ فرار ٿيڻ ۾ ڪامياب ٿي ويو پوليس موجب ڦر جي ڪوشش وقت گهر مالڪن مزاحمت ڪندي فائرنگ ڪئي، جنهن سبب هڪ ڦورو زخمي ٿيو جيڪو ساٿين سميت ڀڄي وڃڻ ۾ ڪامياب ٿي ويو آھي واقعي جي اطلاع ملڻ شرط پوليس جي وڏي نفري واقعي واري هنڌ پهچي وئي ۽ علائقي ۾ ناڪه بندي ڪري ايندڙ ۽ ويندڙ رستا سيل ڪيا ويا پوليس طرفان زخمي حالت ۾ فرار ٿيل ڦور جي ڳولا لاءِ مختلف هنڌن تي سرچ آپريشن جاري آهي، جڏهن ته واقعي بعد ويجهن علائقن جا سوين رهواسي به گهرن مان ٻاهر نڪري آيا پوليس جو چوڻ آهي ته فرار جوابدارن جي گرفتاري تائين ناڪا بندي ۽ تلاشي جو عمل جاري رکيو ويندو واقعي کانپوءِ علائقي ۾ سيڪيورٽي وڌيڪ سخت ڪئي وئي آهي، جڏهن ته پوليس طرفان واقعي جي وڌيڪ جاچ پڻ جاري آهي