ٽالهي ۾ حددخلين ۽ قبضن خلاف ڪارروائي، ڪيترائي ڪچا ۽ پڪا دڪان توڙي ڇپرا ڊاهي پٽ ڪيا ويا
ٽالهي (رپورٽر) ٽالهي ۾ ميرپورخاص ريلوي انتظاميا جي حد دخلين خلاف ڪارروائي ڪيترائي پڪا ڪچا دڪان توڙي ڇپرا ڊاهي پٽ بنا ڪنهن نوٽيس تي ڪارروائي ڪري اسان جو لکين رپين جو نقصان ڪيو ويو، شهرين جو الزام اڳواٽ نوٽيس ڏنو ويو هو حددخلين خلاف ڪارروائي ڪئي آھي، ريلوي عملدار شاهد حسين ٻگهيون : خبر موجب ٽالهي ۾ ريلوي جي سرڪاري پلاٽن تي مبينا ٿيل قبضن حد دخلين خلاف ڪارروائي ڪئي وئي ڪارروائي ريلوي عملدار شاهد حسين ٻگهيو جي اڳواڻي ۾ ڪئي وئي ڪارروائي دوران ريلوي جي سرڪاري زمين تان هائي وي مشين ذريعي ڪيترا پڪا دڪان توڙي ڪچا دڪان ڇپرا ڊاهي پٽ ڪيا ويا، انهي سلسلي ۾ ريلوي عملدار شاهد حسين ٻگهيو جو چوڻ هو ته ريلوي جي سرڪاري پلاٽن تي ٿيل غيرقانوني اڏواتن حد دخلين خلاف هي ڪارروائي ڪئي پئي وڃي ريلوي جي سرڪاري زمين تي ٿيل غيرقانوني جيڪي اڏاوتون ڪيون ويون آهن هنن کي ڊاهيو پيو وڃي ريلوي جي سرڪاري زمين ريلوي لائين کان 250 فٽن تائين آهي جڏهن ته ڪجهه وقت اڳ هتي ويٺلن کي نوٽيس پڻ ڏنا ويا هئا ۽ اڄ هي ڪارروائي ڪئي پي وڃي، هوڏانهن شهرين الزام هڻندي چيو ته بنا ڪنهن نوٽيس جي ڪارروائي ڪئي وئي آهي اسان جي دڪانن ڪبينن ۾ لکين رپين جو سامان پيل هيو جيڪو خراب ٿي ويو آهي ۽ اسان کي لکين رپين جو نقصان ٿيو آهي هوڏانهن ڪارروائي دوران ريلوي پوليس جي عملدارن سوڌو ٽالهي نبي سر پوليس سميت روينيو عملدار ساڻ هئا،
0 تبصرے