شڪارپور ۾ ليڊي هيلٿ ورڪرز جو ڪو آرڊينيٽر، ڪلاڪ ۽ سپروائيزر خلاف احتجاج

شڪارپور(احسان ابڙو) شڪارپور جھان خان بيسڪ ھيلٿ سينٽر جي ليڊي ھيلٿ ورڪرز جو ڪوآرڊينٽر ڊاڪٽر فيضان پنھور, ڪلارڪ عمران شاھ ۽ سپروائيزر سلمان سمون جي ناجائزين خلاف پريس ڪلب پھچي احتجاجي مظاھرو ڪيو,ان موقعي تي ليڊي ھيلٿ سپروائيزر فرزانہ مھر ۽ ٻين صائمہ,شميمہ,نوشابہ سميت ٻين ڪوآرڊينٽر ڊاڪٽر فيضان پنھور ۽ سلمان سمون مٿان سنگين الزام ھڻندي چيو تہ اسان جھان خان سينٽر تي ڊيوٽي ڪنديون آھيون,مينھن ھجي يا ڪرونا اسان پنھنجي ڊيوٽي فرض سميت سمجھي ادا ڪنديون آھيون,پوليو ڊيوٽي اسان ڪيون ويڪسيئن ڊيوٽي اسان ڪيون ان باوجود بہ اسان کي منٿلي لاء تنگ ڪيو ويندو آھي,ڪوآرڊينٽر ڊاڪٽر فيضان پنھور اسان کي حراسان ڪري رھيو آھي,اسان کي موڪل جي ڏينھن تي بہ فون ڪري بليڪ ميل ڪري ٿو,اسان شريف مسڪين عورتون ٻچن خاطر ڊيوٽي ڪري پنھنجي گھر جو گذرسفر ڪندا آھيون,اسان سان وڏي ناجائزي ڪئي وڃي پئي,اسان پنھنجي بااعلي آفيسرن کي پڻ اھڙي قسم جون شڪايتون ڪيون آھن پر ڪو بہ ايڪشن نہ ٿيو آھي,ويتر بدلي جون ڌمڪيون ڏيئي رھيا آھن,ھنن جو وڌيڪ چوڻ ھو تہ سلمان سمون في ليڊي ھيلٿ ورڪر کان ٻہ ھزار روپيہ منٿلي رشوت وٺندي آھي ان باوجود بہ اڃان وڌيڪ بليڪ ميل ڪيو وڃي پيو, تہ منٿلي وڌايو ٻي صورت ۾ اوھان کي ڪراچي بدلي ڪيو ويندو,اسان جي پگھار ايتري آھي جو گھر بہ مشڪل سان ھلي ٿو انھن کي ايترا پيسئہ اسان ڪٿان ڏيون,جھان خان سينٽر تي محمدباغ جي ليڊي ھيلٿ ورڪر مسمات پٺاڻي کي اسان جي مٿان سپروائيزر ڪري مقرر ڪيو ويو آھي,جڏھن تہ اھا پاڻ ھيلٿ ورڪر آھي,۽ فرزانہ مھر جيڪا سينيئر آھي ان کي ھٽايو ويو آھي,مسمات پٺاڻي اھا اسان کي الڳ تنگ ڪري پئي جڏھن تہ اھا رھندي بہ سکر آ ڊيوٽي بہ نہ ڪندي آھي,پيسئہ ڀري مقرر ٿي آھي,ھنن ھيلٿ منسٽر ڊاڪٽر عذرہ پيچوھو, سميت اعلي اختيارين ڊي سي شڪارپور, ڊي ايڇ او شڪارپور کان گھر ڪئي تہ خدارا اسان ليڊي ھيلٿ ورڪرن جو مسئلو ڪري اسان سان انصاف ڪيو وڃي ۽ ڪرپٽ انسان ڊاڪٽر فيضان پنھور,ڪلارڪ عمران شاھ ۽ سپروائيزر سلمان سمون کي ھٽائي ليڊي ھيلٿ ورڪرن ۾ پيدا ٿيل بيچيني ختم ڪئي وڃي.