ٿرپارڪر جو پهريون آرٽس نمائشي ميلو مٺي ۾ شروع، پروفيسر نادر جمالي ۽ نوجوان آرٽسٽ روي ٽوهاڻي افتتاح ڪيو

مٺي( رپورٽر) ٿرپارڪر جو پهريون آرٽس نمائشي ميلو مٺي ۾ شروع ، ميلي پيٽنگ، مجسما سازي،ڪئليگرافي ڊرائينگ ۽ ڪرافٽ جي نمائش ڪئي وئي ۽ ڪتابن جا اسٽال پڻ لڳايا ويا خبر موجب مٺي ۾ ٿر آرٽ اسٽوڊيو پاران ٻن ڏينهن وارو لڳندڙ پهريون ٿر آرٽ نمائشي ميلو شروع ٿي ويو. ٻن ڏينهن واري ٿر آرٽ نمائش ميلي جو ناليواري آرٽسٽ پروفيسر نادر جمالي ۽ نوجوان آرٽسٽ روي ٽوهاڻي افتتاح ڪيو،ميلي ۾ پيٽنگ، مجسما سازي،ڪئليگرافي ڊرائينگ ۽ ڪرافٽ جي نمائش ڪئي وئي ۽ ڪتابن جا اسٽال پڻ لڳايا ويا، ٿر آرٽ نمائشي ميلي ۾ مختلف اسڪولن جي شاگردن، شاگردياڻين، مختلف مڪتب فڪر جي ماڻهن شرڪت ڪئي، ان موقعي تي ناليواري آرٽسٽ پروفيسر نادر جمالي چيو ته ٿر آرٽ اسٽوڊيو پاران پهريون ٿر آرٽ نمائشي ميلو هڪ خوش آئند ڳالھ آھي، ٿر آرٽ نمائشي ميلي جو مقصد ٿر جهڙي پُٺتي پيل علائقي ۾ لڪيل ٽيلينٽ کي اجاگر ڪرڻ آهي،مونکي ٿر جي نوجوانن جو ٽيلينٽ ڏسي خوشي ٿي آهي ته ٿر ۾ اهڙو ٽيلينٽ موجود آهي جنهن کي دنيا آڏو آڻڻ لاءِ روي بهتر قدم کنيو آهي،آرٽسٽ نادر جمالي هن چيو ته سنڌ حڪومت کي گهرجي ته اهڙن نوجوانن جي ٽيلينٽ کي دنيا آڏو آڻڻ لاءِ ٿر آرٽ ڪائونسل جو بنياد رکي. جڏهن ته ٿر آرٽ اسٽوڊيو جي سي اي او نوجوان آرٽسٽ روي ٽوهاڻي چيو ته ٿر هڪ آرٽسٽڪ خطو آهي ٿر ۾ لڪيل ٽيلينٽ دنيا آڏو آڻڻ لاءِ هڪ ننڍڙي ڪوشش ڪئي آهي،آرٽ سان دلچسپي رکندڙ نوجوانن جي سکيا لاءِ جلد ٿر آرٽ اسٽوڊيو ۾ ڪلاس شروع ڪيا ويندا جڏهن ته ٿر آرٽ نمائشي ميلو اڄ تائين جاري رهندو۔