ٺٽي جي مين گٽر توڙي سم نالن جو زھريلو گندو پاڻي گھار مساڻ شاخ ۾ ڇوڙ

زهريلو استعمال ڪرڻ سبب شهرين جون زندگيون خطري ۾، زمينون به بنجر ٿي وينديون: شاھنواز بروھي

ٺٽو( ڊر) ٺٽي شهر جي مين گٽر توڙي سم نالن جو زھريلو گندو پاڻي گھار مساڻ شاخ ۾ ڇڏڻ ڪري شھرين جو زھريلو، گندو پاڻي پيئڻ جي ڪري سندن زندگيون خطري ۾ پوڻ سميت فصلن کي بہ نقصان پوڻ جو انديشو برقرار، انتظاميہ ڪوبہ نوٽيس نہ ورتو، شھرين جون دانھون، فورن زھريلو گندو پاڻي نيڪال ڪرائي شھرين کي صاف پاڻي مھيا ڪرڻ جي گھر ڪري ڇڏي آھي. خبر موجب ٺٽي جي سياسي سماجي جي ڊي اي اڳواڻ شاھنواز بروھي، ۽ ٻين شھرين دانھيندي چيو آھي تہ گھار مساڻ شاخ ۾ ٺٽي شھر جي گٽرن ۽ سم نالن جو زھريلو گندو پاڻي ڇڏيو ويو اھي، جيڪو انسانين جانين سميت فصلن لاء بہ نقصانڪار آھي، ھنن چيو تہ گھار مساڻ شاخ مان ٺٽو ۽ مڪلي واسين کي پيئڻ جو پاڻي استعمال ڪرڻ سميت فصلن کي بہ پاڻي مھيا ڪيو وڃي ٿو، جنھن ۾ زھريلو گندو پاڻي ڇڏڻ ڪري پاڻي انتھائي نقصانڪار بڻجي ويو آھي، ھن گندي پاڻي واپرائڻ سان نہ رڳو انسانن پر جانورن جي زندگين کي بہ خطرو آھي، پر انتظاميہ اڃان تائين ڪوبہ تحرڪ ناھي ورتو، ھنن گھر ڪئي تہ فورن گھار مساڻ واھ مان زھريلو، گندو پاڻي نيڪال ڪرائي صاف پاڻي ڇڏي انسان توڙي جانورن کي امڪاني نقصان کان بچايو وڃي.