مٺي ۾ ٽن ڏينھن کان جاري ڪرڪيٽ ٽورنامينٽ جو دنگل ٿر واريئرس کٽي ورتو

مرحوم ارباب امير حسن جي ياد ۾ چيمپئنز ليگ ٿرپارڪر سيزن 2 پنھنجي پڄاڻي تي پھتي

مٺي(رپورٽر)مٺي ۾ ٽن ڏينھن کان جاري مرحوم ارباب امير حسن جي ياد ۾ ڪرايل افتتاحي چيمپيئنز ليگ ٿرپارڪر سيزن 2 پنھنجي پڄاڻي تي پھتو جنھن ۾ 8 ٽيمن حصو ورتو سمورين ٽيمن وچ ۾ مقابلا ٿيا. فائنل مقابلو وريام لنجو جي ٽيم ٿر واريئرس ۽ سهراب جوڻيجو جي ٽيم ٿر لال قلندر ۾ ٿرو جنھن م ٿر لال قلندر پھريان بئٽنگ ڪندي مقرره 6 اوورن م 3 وڪيٽن جي نقصان تي مئچ کٽڻ لاء 98 رنسن جو ٽارگيٽ ڏنو. جنھن م ٿر واريئرس شاندار راند جو مظاھرو ڪندي پنھنجي چيمپيئن ليگ جو ٽائيٽل پنھنجي نالي ڪري ورتو.اختتامي تقريب ۾ اسسٽنٽ ڪمشنر مٺي عمير اشرف ، ممتاز نھڙيو ، وڪيل سبحان سميجو ، سيد فدا شاھ ، جمن جوڻيجو، غازي نھڙيو، ھاشم نھڙيو، جلال نھڙيو ارباب انعام الرحمان ،ڊاڪٽر ساجن سارنگ، حفيظ سنڌي ،خالد جوڳي، پيار علي نھڙيو وڪيل مولابخش بجير ، واپاري ايسوسيئشن مٺي جي شام سندر ۽ ٻين شرڪت ڪئي . بھترين ڪارڪردگي تي ٿر واريئرس جي ڪپتان اعجاز لنجو کي مين آف دي مئچ ۽ رضا چانڊيو کي مين آف دي ٽورنامينٽ ، سيد عظيم شاھ کي بھترين بولر ان سان گڏ ونر اپ ٽيم کي ھڪ لک ڪيش انعام ۽ ٽرافي ۽ رنر اپ ٽيم کي پنجاھ ھزار ڪيش ٽرافي ڏني ۽ رانديگرن ۽ آرگنائيزر ڪميٽي کي شيلڊون ڏنيون ويون