ملير: عبداللطيف ڪلمتي جا قاتل گرفتار نه ٿيا، ملڪ گير احتجاج جو اعلان

رزاق آباد ۾ آل هوت اتحاد پاڪستان ۽ آل ڪلمت ايسوسيئيشن جو گڏيل هنگامي اجلاس ٿيو

ملير(رپورٽ: عبدالرشيد مورجھريو)ڪجهه ڏينهن اڳ هٿياربندن هٿان مارجي ويل عبداللطيف ڪلمتي جا قاتل گرفتار نه ٿيڻ خلاف رزاق آباد ملير ۾ آلهوت اتحاد پاڪستان ۽ آلڪلمت ايسوسيئيشن جو گڏيل هنگامي اجلاس ٿيون جنهن جي صدارت امين ڪلمتي، عبدالله هوت ۽ مير عبدالرزاق هوت ڪئي۔ اجلاس ۾ شهيد عبداللطيف ڪلمتي جي قاتلن جي گرفتاري بابت اهم فيصلا ڪيا ويا۔اجلاس ۾ فيصلو ڪيو ويو ته شهيد عبداللطيف ڪلمتي جي قاتلن کي گرفتار ڪرائڻ لاءِ چونڊيل نمائندن ۽ پوليس جي اعليٰ عملدارن سان ملاقاتون ڪيون وينديون۔ اڳواڻن خبردار ڪيو ته جيڪڏهن ملاقاتن باوجود قاتل گرفتار نه ڪيا ويا ته پوري پاڪستان ۾ احتجاجي تحريڪ هلائي ويندي۔اجلاس ۾ امين ڪلمتي، گهگهر ڪلمتي، پنهون ڪلمتي، محمد بخش ڪلمتي، حاجي علي اڪبر ڪلمتي، محمد اقبال، صدام ڪلمتي، حاجي صديق ڪلمتي سميت ڪلمتي ۽ هوت برادري جي وڏي انگ ۾ ماڻهن شرڪت ڪئي۔اجلاس کان پوءِ شرڪت ڪندڙن پاران رزاق آباد ۾ احتجاجي مظاهرو پڻ ڪيو ويو، جتي مظاهرين شهيد عبداللطيف ڪلمتي جي قاتلن جي فوري گرفتاري ۽ انصاف جي فراهمي جو مطالبو ڪيو۔ اڳواڻن چيو ته انصاف نه ملڻ تائين جدوجهد جاري رهندي