ٺٽي ۾ واپاري پاران اسسٽنٽ ڪمشنر خلاف توهين عدالت جي درخواست داخل

عدالت اسسٽنٽ ڪمشنر ٺٽو کي توهين عدالت جا نوٽيسز جاري ڪندي وضاحت طلب ڪري ورتي

ٺٽو(محمد شفيق ڀٽي)اسسٽنٽ ڪمشنر ٺٽو فهيم شاڪر خلاف ٺٽي جي شھري واپاري پاران توهين عدالت جي درخواست داخل, نوٽيس جاري ٺٽي شھر جي واپاري دڪاندار فرحان ميمڻ پنهنجي وڪيل سنڌ ھاء ڪورٽ جي سرگرم وڪيل ايڊووڪيٽ ثناءُ الله سومرو معرفت سول جج ۽ ڪنزيومر پروٽيڪشن ڪورٽ ٺٽو جي عدالت ۾ درخواست داخل ڪرائيندي موقف اختيار ڪيو آھي ته هڪ واپاري پاران ناجائز اڏاوتن خلاف عدالت ۾ داخل ڪيل درخواست تي اسسٽنٽ ڪمشنر ۽ ٻين روينيو عملدارن بنا رپورٽ ۽ عدالت جي حڪم تي عمل ڪرڻ جي کيس ٽارگيٽ ڪري سندس دڪان اڳيان ڪارروائي ڪري حددخليون هٽائڻ جي نالي تي کيس پريشان ڪيو ويو آھي عدالت اسسٽنٽ ڪمشنر ٺٽو کي توهين عدالت جا نوٽيسز جاري ڪندي وضاحت طلب ڪري ورتي آھي