شڪارپور آپريشن ۾ مارجي ويل صابر شيخ جي وارث عورتن جو ٻارڙن سميت احتجاج، آپريشن جڙتو قرار

صابرشيخ موٽرسائيڪل ۾ پيٽرول ڀرائڻ لاءِ پمپ تي آيو هو، جتان کيس پڪڙي قتل ڪيو ويو: وارث

شڪارپور(احسان ابڙو ) شڪارپور شھر ۾ پوليس آپريشن وارو معاملو منڇر شاهه قبرستان ۾ پوليس مقابلي ۾ مارجي ويل صابر شيخ جي وارثن پاران پاڪ ڪتاب کڻي شڪارپور پريس ڪلب اڳيان احتجاجي مظاهرو ڪري انصاف جي گھر ڪئي,احتجاج ڪندڙ عورتن دانھيون ته صابر شيخ کي جعلي مقابلي ۾ قتل ڪيو ويو آهي، صابرشيخ موٽرسائيڪل ۾ پيٽرول ڀرائڻ لاءِ پمپ تي آيو هو، جتان پوليس کيس پڪڙي ماريو آھي,مظاهرين وڌيڪ چيو ته پوليس اسانجي ڀاءُ جو لاش نه پئي ڏي لاش وٺڻ وياسين ته چيو ويو ته توھان لکي ڏيو ته صابر شيخ ڏوھاري ھو, جيڪو اسان نه لکي ڏنوسين,ھنن اعلي اختيارين وزيراعلي سنڌ,آء جي سنڌ,گھرو وزير سميت ڊي آء جي لاڙڪاڻو کان گھر ڪئي تہ اسان سان انصاف ڪيو وڃي ۽ معاملي جي شفاف جاچ ڪئي وڃي جيئن اسان کي انصاف ملي سگھي.