گڏاپ ۾ پوليس ۽ ڦوروئن ۾ مقابلو، هڪ ڦورو مارجي ويو ،ٻيو زخمي

ملير (رپورٽ: عبدالرشيد مورجھريو)گڏاپ جي علائقي سجاد هوٽل کان نادرن باءِ پاس ڏانهن ويندڙ روڊ تي پوليس ۽ مبينا ڦورن وچ ۾ سخت مقابلو ٿي پيو جنهن دوران فائرنگ جي ڏي وٺ ۾ هڪ جوابدار مارجي ويو جڏهن ته ٻيو ڌاڙيل زخمي حالت ۾ گرفتار ڪيو ويو۔پوليس ذريعن موجب جوابدار موٽر سائيڪل تي سوار ٿي ڏوهن واريون وارداتون ڪري رهيا هئا ته گڊاپ پوليس کين روڪڻ جي ڪوشش ڪئي۔پوليس کي ڏسندي ئي ڌاڙيلن فائرنگ شروع ڪري ڏني، جنهن تي پوليس پڻ جوابي فائرنگ ڪئي۔مقابلي دوران هڪ ڌاڙيل عباس موقعي تي مارجي ويو، جڏهن ته سندس ساٿي عمران زخمي ٿي پيو۔ پوليس واقعي واري هنڌ تان ٻه پسٽول ۽ هڪ موٽر سائيڪل هٿ ڪري ورتي۔مارجي ويل ڌاڙيل جو لاش ۽ زخمي ڌاڙيل کي قانوني ڪارروائي لاءِ ويجهي اسپتال منتقل ڪيو ويو آهي۔ پوليس موجب واقعي جو ڪيس داخل ڪري وڌيڪ جاچ شروع ڪئي وئي آهي۔پوليس اختيارين جو چوڻ آهي ته جوابدارن جو اڳوڻو ڏوهاري رڪارڊ پڻ چيڪ ڪيو پيو وڃي، جڏهن ته ٻين ساٿين جي گرفتاري لاءِ علائقي ۾ ڇاپا هنيا پيا وڃن۔واقعي بعد علائقي ۾ پوليس جي نفري وڌائي وئي آهي ۽صورتحال مڪمل طور تي ڪنٽرول ۾ آهي۔