ملير جي مراد ميمڻ ڳوٺ ۾ سنڌ اجرڪ ويلفيئر ٽرسٽ پاران مفت طبي ڪئمپ قائم

مفت طبي ڪئمپ دوران 500 مريضن جو معائنو ڪيو ويو ۽ کين مفت دوائون فراهم ڪيون ويون

ڪراچي (رپورٽر)ملير جي مراد ميمڻ ڳوٺ ۾ سنڌ اجرڪ ويلفيئر ٽرسٽ پاران مفت طبي ڪئمپ جو انعقاد ڪيو ويو۔ هي ميڊيڪل ڪئمپ سرپرستِ اعليٰ رئيس حاجي شبير احمد جوکيو جي سهڪار سان منعقد ڪئي وئي۔ مفت طبي ڪئمپ ۾ مليريا، شگر، بلڊ پريشر، ڊينگي، ڪوليسٽرول ۽ ٻيون ٽيسٽون ڪيون ويون۔ طبي ڪئمپ دوران 500 مريضن جو معائنو ڪيو ويو ۽ کين مفت دوائون فراهم ڪيون ويون۔ اجرڪ ويلفيئر ٽرسٽ جي سرپرستِ اعليٰ رئيس بشير احمد جوکيو جو چوڻ هو ته پٺتي پيل علائقن ۾ طبي ڪئمپون لڳڻ گهرجن، جنهن سان غريب مريضن کي فائدو ملي ٿو۔ اجرڪ ويلفيئر ٽرسٽ جي صدر غلام مجتبيٰ قادري چيو ته اهڙيون طبي ڪئمپون سڄي سنڌ ۾ لڳايون وينديون، جيئن غريب مريضن کي فائدو ملي سگهي۔ هن وڌيڪ چيو ته طبي ڪئمپ ۾ آگاهي پروگرام پڻ منعقد ڪيو ويو، جنهن ذريعي مريضن کي مختلف بيمارين بابت آگاهي ڏني پئي وڃي۔ ويلفيئر جي ميمبر اخلاق احمد قادري جو چوڻ هو ته مريضن کي صرف هڪ ڏينهن لاءِ نه پر ڪيترن ئي ڏينهن لاءِ دوائون فراهم ڪيون پيون وڃن۔ميمبر علي مهر، ڊاڪٽر نجمه سلطانه، شبانه ۽ آرتي جو چوڻ هو ته مريضن جون سموريون ٽيسٽون ڪري کين دوائون مهيا ڪيون پيون وڃن۔ماهر ڊاڪٽرن ڊاڪٽر شاهد، ڊاڪٽر حبا، ڊاڪٽر ڪنول، فزيوٿراپي ڊاڪٽر محمد علي ۽ نرسز سميت عملي مريضن جو چيڪ اپ ڪيو۔