ن ليگ جي ايم اين اي نيلم ڪماري جا ڪنري ۽ ڀرپاسي تعزيتي دورا

نيلم ڪماري مورجهنگو، سانوڻ ڪپري ۽ گلو ميگهواڙ ڳوٺن ۾ مختلف اڳواڻن سان تعزيتون ڪيون

عمرڪوٽ (رپورٽ:ڪانجي مل رکيسر) عمرڪوٽ جي تعلقي ڪنري ڀرسان ن ليگ جي اقليتي ايم اين اي نيلم ڪماري مورجهنگو واري علائقي ۾ تعزيتي دورن دوران تعزيت ڳوٺ حاجي سانوڻ ڪپري پهچي حيدر ڪپري جي وفات تي مرحوم جي ڀاءُ مبين ڪپري ۽ رشيد ڪپري سان ملاقات ڪري گھري ڏک ۽ همدردي جو اظهار ڪيو، ان موقعي تي نيلم ڪماري چيو ته ڏک ۽ غم جي هن گهڙي ۾ هو متاثر خاندانن سان گڏ بيٺل آهن ۽ الله تعاليٰ مرحومين کي جنت الفردوس ۾ جاءِ عطا فرمائي، بعد ۾ نيلم ڪماري ڳوٺ گلو ميگهواڙ پهچي ارجڻ ميگهواڙ جي ديهانت تي سندس وارثن گوورڌن پڌم ۽ پٽ راجيش سان تعزيت ڪئي ۽ صبر جي تلقين ڪئي، تعزيتي دورن کانپوءِ نيلم ڪماري نواز ليگ جي ڪائونسلر چينارام جي طرفان ڏنل ڊنر پارٽي ۾ شرڪت ڪئي، جتي علائقي جي سياسي ۽ سماجي معاملن تي خيالن جي ڏي وٺ ڪئي وئي، آخر ۾ نيلم ڪماري مير امان الله ٽالپر وٽ منعقد ڪيل چانهه پارٽي ۾ پڻ شرڪت ڪئي، هن سڄي دوري دوران نيلم ڪماري سان گڏ ڀمر لال، موهن لال، مهيش ڪمار، ميارام پرمار ۽ دادا ميگهواڙ پڻ گڏ هئا.