عوامي پريس ڪلب ملير طرفان تاريخي ماڳ ڀنڀور ۾ رٿيل “سرمئي شام تقريب جون تياريون مڪمل

81 views | 30th Dec 2025 • سنڌي خبرون

عوامي پريس ڪلب ملير طرفان تاريخي ماڳ ڀنڀور ۾ رٿيل “سرمئي شام تقريب جون تياريون مڪمل

ملير (رپورٽ: عبدالرشيد مورجھريو) عوامي پريس ڪلب ملير طرفان تاريخي ماڳ ڀنڀور ۾ رٿيل “سرمئي شام تقريب جون تياريون مڪمل، سياسي، سماجي ۽ ادبي ڌريون شرڪت ڪنديون, تفصيل موجب عوامي پريس ڪلب ملير طرفان ساڪرو ادبي فورم جي سهڪار سان هر سال جيان هن سال به رٿيل “سرمئي شام” جي رنگارنگ تقريب اڄ تاريخي ماڳ ڀنڀور ۾ جاکوڙي سياسي سماجي اڳواڻ سيد خداڏنو شاهه جي مان ۾ ڪوٺائي وئي آهي تقريب ۾ سياسي، سماجي، علمي ۽ ادبي اڳواڻن سان گڏ صحافين جي وڏي تعداد ۾ شرڪت ڪندي تقريب دوران سنڌ جي جاکوڙي، باهمت ۽ جدوجهد ڪندڙ ڪردار سيد خداڏنو شاهه جي شخصيت ۽ خدمتن کي ڀيٽا پيش ڪئي ويندي جڏهن ته سال 2025 جي لهندڙ سج سان گڏ لطيف سائين جي وائين سان موڪلاڻي ڪري نئين سال 2026 جي پُرعزم آجيان ڪئي ويندي عوامي پريس ڪلب ملير جي ترجمان موجب تقريب جون سموريون تياريون مڪمل ڪيون ويون آهن، جڏهن ته مهمانن جي آجيان، سيڪيورٽي ۽ ٻين انتظامن کي آخري شڪل ڏني وئي آهي. تقريب کي يادگار بڻائڻ لاءِ ثقافتي ۽ ادبي سرگرميون پڻ ترتيب ڏنل آهن