عوامي پريس ڪلب ملير جو جنرل باڊي اجلاس، ادبي ۽ ثقافتي سرگرمين بابت اهم فيصلا

اجلاس دوران 14 نومبر تي “ملير مشاعرو”, 23 نومبر تي بادل جمالي جي ڪتاب جي مهورتي تقريب منعقد ڪرڻ جو فيصلو

ملير (رپورٽ: عبدالرشيد مورجھريو) عوامي پريس ڪلب ملير جو جنرل باڊي اجلاس جمشيد زهراني جي صدارت ۾ پريس ڪلب ۾ ٿيو جنهن ۾ عهديدارن ۽ ميمبرن وڏي تعداد ۾ شرڪت ڪئي۔اجلاس دوران اهم فيصلا ڪيا ويا جن ۾ 14 نومبر جمعي ڏينهن “ملير مشاعرو”, 23 نومبر آچر ڏينهن نامياري ليکڪ بادل جمالي جي ڪتاب جي مهورتي تقريب 7دسمبر تي ثقافتي ڏهاڙو ۽ 31دسمبر تي سال جي آخري سج کان موڪلاڻي جون تقريبون شامل آهن اجلاس ۾ فيصلو ڪيو ويو ته ڪجهه غير لاڳاپيل ماڻهن ۽ سرڪاري ملازمن طرفان پريس ڪلب جو نالو غيرقانوني طور استعمال ڪرڻ خلاف لاڳاپيل ادارن کي خط جاري ڪيا ويندا۔ان موقعي تي صدر جمشيد زهراني ۽ جنرل سيڪريٽري عنايت شاهه خطاب ڪندي چيو ته عوامي پريس ڪلب هميشه ادبي، ثقافتي ۽ صحافتي سرگرمين جي فروغ لاءِ سرگرم رهيو آهي ۽ صاف سٿري صحافت تي پختو يقين رکي ٿو۔ هنن وڌيڪ چيو ته عوامي پريس ڪلب ملير رازق آباد ۾ قائم آهي ۽ ان جي ڪا ٻي شاخ موجود ناهي۔اجلاس ۾ نائب صدر فاروق ڀنگوار، خزانچي اصغر ميمڻ، طارق جان سهتو، سجاد شاهه، زمان جوکيو، جامي ميمڻ، فرحان ميمڻ، لياقت سمون ۽ ٻين ميمبرن به شرڪت ڪئي۔