ملير: سپر هاءِ وي تي ڊمپر مالڪن جو احتجاج ناڪام، پوليس ڪيترن ئي ماڻهن کي حراست ۾ وٺي ڇڏيو

سپر هاءِ وي اهم شاهراهه آهي، جنهن کي بند ڪرڻ جي اجازت ڪنهن کي به نه ڏني ويندي: پوليس

ملير (رپورٽ: عبدالرشيد مورجھريو) سپر هاءِ وي تي ڊمپر مالڪن پاران احتجاج ڪرڻ جي ڪوشش پوليس پاران ناڪام بڻائي وئي، جڏهن پوليس جي وڏي نفري پهچي ڪيترن ئي مظاهرين کي حراست ۾ وٺي ڇڏيو۔تفصيل موجب ڊمپر ايسوسيئيشن جي صدر لياقت محسود پاران سپر هاءِ وي بلاڪ ڪرڻ جي اعلان بعد وڏي انگ ۾ ڊمپر مالڪ ۽ ڊرائيور احتجاج لاءِ گڏ ٿيڻ لڳا۔ مظاهرين جو چوڻ هو ته هو پنهنجن جائز مطالبن جي منظوري لاءِ پرامن احتجاج ڪرڻ چاهين ٿا، پر پوليس اڳواٽ ئي سيڪيورٽي انتظام سخت ڪري ڇڏيا هئا۔پوليس جي وڏي نفري جي پهچڻ بعد مظاهرين کي منتشر ٿيڻ جي هدايت ڪئي وئي، پر ڪيترن ئي ماڻهن احتجاج جاري رکڻ جي ڪوشش ڪئي جنهن تي پوليس فوري ڪارروائي ڪندي ڪيترن ئي ڊمپر مالڪن ۽ ڊرائيورن کي گرفتار ڪري حراست ۾ وٺي وئي پوليس عملدارن جو چوڻ آهي ته ڪنهن کي به روڊ بند ڪرڻ يا ٽرئفڪ جي رواني ۾ رڪاوٽ وجهڻ جي اجازت نه ڏني ويندي۔ سندن چوڻ هو ته سپر هاءِ وي شهر جي اهم شاهراهه آهي، جنهن کي بند ڪرڻ سان شهري سخت پريشاني ۾ مبتلا ٿي سگهن ٿا پوليس جي وقت سر ڪارروائي سبب سپر هاءِ وي جي ٻنهي پاسن تي ٽرئفڪ معمول مطابق جاري رهي، جڏهن⁠تہ احتجاج مڪمل طور ناڪام بڻايو ويو پوليس اختيارين موجب قانون هٿ ۾ وٺندڙن خلاف ڪارروائي ڪئي ويندي ۽ علائقي ۾ امن امان برقرار رکڻ لاءِ گشت ۾ پڻ اضافو ڪيو ويو آهي۔