نوشهروفيروز ۾ مورو واسين جو معصوم ٻارڙن سميت جڳهه مالڪ خلاف احتجاج

مورو ۾ علي احمد ڪوريجو جي جڳهه ۾ مسواڙ تي رهندا آهيون: شاهدان ٻٻر ۽ ٻيا

نوشهروفيروز (ڊ ر)مورو شھر جي رھواسڻ شاھدان زال دلبر ٻٻر، شاھدان عرف گڏي زال قاسم عمراڻي پنھنجي معصوم ٻارڙن سان گڏجي قرآن پاڪ کڻي پريس ڪلب نوشهروفيروز تي احتجاجي مظاهرو ڪيو ميڊيا سان ڳالھائيندي ھنن چيو ته اسان مورو شھر جي دادو روڊ تي ڪرائي جي جاءِ ۾ رھندا آھيون ھاڻي اسان کي ڪرائيندار سامان رکي اسان کي گھران دڪا ڏئي ڪڊي ڇڏيو آھي جنھن کي ھڪ مھينو گذري چڪو آھي اسان دربدريء واري زندگي گذاري رھيا آھيون ھنن الزام ھڻندي چيو تہ جاءِ جو مالڪ علي احمد ڪوريجو ۽ ٻه نامعلوم سندس سان گڏجي جاءِ ۾ پيل سامان قبضي ۾ آڻي ڇڏيو آھي ۽ ڏيڻ کان انڪار ڪري ڇڏيو آھي اسان جو قبضي ۾ پيل سامان لکين رپين جو آھي ھنن وس وارن کان مطالبو ڪيو ته مذڪورا معاملي جو نوٽيس وٺي اسان کي پنھنجو سامان ڏياري انصاف تحفظ فراهم ڪيو وڃي.