عمرڪوٽ: ڇور روڊ زيرو پوائنٽ اسٽاپ وٽ حادثو، هڪ ڄڻو فوت، عورت سميت 3ڄڻا زخمي

57 views | 27th Oct 2025 • سنڌي خبرون

عمرڪوٽ: ڇور روڊ زيرو پوائنٽ اسٽاپ وٽ حادثو، هڪ ڄڻو فوت، عورت سميت 3ڄڻا زخمي

عمرڪوٽ (ڊ ر) عمرڪوٽ ڇور روڊ زيرو پوائنٽ اسٽاپ تي ٻن موٽرسائيڪلن ۽ هڪ رڪشا وچ ۾ زوردار آمهون سامهون ٽڪر جي نتيجي ۾ هڪ ڄڻو فوت ٿي ويو، جڏهن ته هڪ عورت سميت ٽي ڄڻا سخت زخمي ٿي پيا، تفصيل موجب ڳوٺ اميد علي لاشاري جو رهواسي 45 سالا شهزاد پٽ معراج مهر حادثي ۾ موقعي تي فوت ٿي ويو، جڏهن ته مسمات ڌائي زال ريجهو اوڏ، ريجهو اوڏ ۽ ڌرمون سخت زخمي ٿي پيا، حادثي جي اطلاع تي سٽي پوليس واقعي واري هنڌ پهچي زخمين ۽ فوتي کي سول اسپتال عمرڪوٽ منتقل ڪيو، جتي زخمين کي طبي امداد ڏني وئي، جڏهن ته فوتي جو لاش ضروري ڪارروائي بعد وارثن حوالي ڪيو ويو، فوتي جو لاش گهر پهچڻ تي ماحول سوڳوار ٿي ويو ۽ گھر ۾ ڪهرام مچي ويو.