ايس ايس پي ٺٽو پاران پوليس هيڊڪوارٽر ٺٽو ۾ اردلي روم منعقد

173 views | 03rd Dec 2025 • سنڌي خبرون

پوليس آفيسرن ۽ اهلڪارن جا مسئلا، شوڪاز، معطلي (سسپينشن) ۽ ٻين معاملن تي حڪم جاري

ايس ايس پي ٺٽو پاران پوليس هيڊڪوارٽر ٺٽو ۾ اردلي روم منعقد

ٺٽو (شفيق ڀٽي) ايس ايس پي ٺٽو پاران پوليس هيڊڪوارٽر ٺٽو ۾ اردلي روم جو انعقاد. ايس ايس پي ٺٽو فاروق احمد بجاراڻي پوليس هيڊڪوارٽر ٺٽو ۾ اردلي روم جو انعقاد ڪيو۔ اردلي روم ۾ پوليس آفيسرن ۽ اهلڪارن جا مسئلا، شوڪاز، معطلي (سسپينشن) ۽ ٻين معاملن تي حڪم جاري ڪيا ويا۔ ايس ايس پي ٺٽو ٻڌڻي هيٺ پيل شوڪاز نوٽيسن ۽ انڪوائرين جا فيصلا ڪيا، ۽ غيرحاضر، ڊيوٽي ۾ غفلت، غلط رويو اختيار ڪرڻ (مس ڪنڊڪٽ)، ۽ منظم ڏوهن جي سرپرستي ۾ ملوث 70 پوليس آفيسرن ۽ اهلڪارن کي قانوني تقاضائن مطابق شوڪاز نوٽيس فائنل ڪرڻ سميت ٻيا فيصلا ڪيا۔ ايس ايس پي ٺٽو ڊسٽرڪٽ پوليس جي سڀني آفيسرن ۽ اهلڪارن کي سختي سان حڪم ڏنو ته سڀ پوليس جا جوان موڪل، بدلي، فلاح و بهبود ۽ ٻين مسئلن جي حل لاءِ ايس ايس پي آفيس ٺٽو ۾ پيش ٿين۔ايس ايس پي ٺٽو اردلي روم ۾ پيش ٿيندڙ سڀني پوليس آفيسرن ۽ اهلڪارن کي وڌيڪ چيو ته پنهنجون ڊيوٽيون محنت، جذبي ۽ نهايت ايمانداري سان سرانجام ڏيو، چيڪنگ دوران ۽ ٿاڻن تي عوام سان خوش اخلاقي ۽ محبت سان پيش اچو۔