پ پ عمرڪوٽ ضلعي جي گڏجاڻي، يومِ تاسيس جون تياريون، هاري ڪارڊ ۽ تنظيم سازي تي اهم فيصلا

اجلاس ۾ 58 هين يومِ تاسيس جي سلسلي ۾ 30 نومبر تي ضلعي هيڊڪوارٽر عمرڪوٽ ۾ شاندار تقريب رکڻ جو فيصلو

عمرڪوٽ (رپورٽ:ڪانجي مل رکيسر) پاڪستان پيپلزپارٽي ضلع عمرڪوٽ جي هڪ اهم گڏجاڻي پيپلز سيڪريٽريٽ عمرڪوٽ ۾ منعقد ٿي، جنهن جي صدارت ڊويزنل صدر ۽ ايم اين اي ڊاڪٽر مهيش ڪمار ملاڻي ۽ ڊويزنل جنرل سيڪريٽري، صوبائي وزير مير طارق علي ٽالپر ڪئي اجلاس ۾ پ پ پ ضلع عمرڪوٽ جي سينيئر نائب صدر برھان ڪنڀر، ضلعي انفارميشن سيڪريٽري ڊاڪٽر گھنشام داس راٺوڙ، صوفي نواز سومرو، عظيم نوحاڻي، سراج سومرو، اسد خالد سومرو، عبدالله کوسو، ڪانجي مل ميگھواڙ، ڏاتر سينھڙو، تلڇو مل ميگھواڙ سميت تعلقن، سٽي عمرڪوٽ ۽ سڀني ذيلي تنظيمن جي صدرن، جنرل سيڪريٽرين، انفارميشن سيڪريٽرين سان گڏ ضلعي چيئرمن، وائيس چيئرمن، ٽائون ڪميٽين جي چيئرمن ۽ وائيس چيئرمن وڏي انگ ۾ شرڪت ڪئي، اجلاس دوران تنظيم کي وڌيڪَ مضبوط ۽ فعال بڻائڻ لاءِ اهم ڳالهين تي اتفاق ڪيو ويو، جن ۾ 58 هين يومِ تاسيس جي سلسلي ۾ 30 نومبر تي ضلعي هيڊڪوارٽر عمرڪوٽ ۾ شاندار تقريب رکڻ جو فيصلو، هاري ڪارڊ لاءِ تعلقي ليول تي سيمينار ڪرائڻ، هاري ڪارڊ بابت عوامي آگاهي وڌائڻ، يوسي ليول، ٽي سي ۽ وارڊ ليول تي تنظيم سازي جلد مڪمل ڪرڻ، سوشل ميڊيا ذريعي پارٽي جي ترقياتي خدمتن کي اجاگر ڪرڻ شامل آھن، ڊاڪٽر مهيش ڪمار ملاڻي ۽ مير طارق ٽالپر چيو ته تنظيم جي هر يونٽ کي مضبوط ڪرڻ وقت جي ضرورت آهي، جيئن عوامي خدمت جو سلسلو اڳتي وڌي سگهي.