ملير مينارٽي اتحاد جي گڏجاڻي ميمڻ ڳوٺ جي مھيشوري پاڙي ۾ ٿي

اجلاس ۾ سنتوش ڪمار ڀيل، درشن لال آنند مھيشوري، همير داس ۽ ٻيا شريڪ

ملير (رپورٽ: عبدالرشيد مورجھريو)ملیر مینارٽي اتحاد جي گڏجاڻي ميمڻ ڳوٺ جي مھيشوري پاڙي ۾ منعقد ٿي، جنهن ۾ اتحاد جي اڳواڻن ۽ ڪارڪنن وڏي انگ ۾ شرڪت ڪئي. اجلاس ۾ سنتوش ڪمار ڀيل، درشن لال آنند مھيشوري، همير داس، امر مھيشوري، ارجن رامچند ڀيل، موهن ڀيل، ايشور ڀاگڙي، راجا ڀاگڙي، بابو ڪولھي، نارائڻ داس، سومار ڪولھي، لڌا رام راٺوڙ، سليم ڪولھي، پنهون مھيشوري، سڌير ڀيل، نعيم داس، ڪنور ڀاگڙي، پريم مھيشوري ۽ ٻيا اهم اڳواڻ شامل هئا.اجلاس دوران ملير مينارٽي اتحاد جي نئين آرگنائيزر باڊي جو انتخاب ڪيو ويو، جنهن موجب مڪيش ڪمار مھيشوري کي آرگنائيزر ۽ سنتوش ڪمار ڀيل کي سيڪريٽري مقرر ڪيو ويو. ٻين سڀني ميمبرن پاران نئين چونڊيل تنظيم کي دلي مبارڪباد پيش ڪئي وئي.اجلاس ۾ وڌيڪ فيصلا ڪندي اعلان ڪيو ويو ته ملير–گڊاپ لڳ ڪانجي ڀيل ڳوٺ ۾ ملير مينارٽي اتحاد جي پليٽ فارم تان هڪ شاندار جلسو عام منعقد ڪيو ويندو، جنهن لاءِ تياري ڪميٽي پڻ قائم ڪئي وئي.