ملير: ريڙهي جي سرڪاري اسڪول مان چوري, پوليس چوري جي رپورٽ داخل ڪرڻ کان انڪار ڪري ڇڏيو
اڻڄاتل چور اسڪول ۾ در ۽ دريون ڪڍي چوري ڪري ويا
ملير (رپورٽ: عبدالرشيد مورجھريو) گذريل ڏينهن صبح جڏهن اسٽاف سرڪاري پرائمري اسڪول GBPS ريڙهي مياڻ ۾ داخل ٿيو ته کين ڏکوئيندڙ ۽ ڳڻتي واري صورتحال ڏسڻ ۾ آئي۔ نامعلوم چورن اسڪول جي عمارت مان لوهه واري گريل ۽ ٻن ڪمرن جي درين جون گريلون کڻي ويا هن واردات بعد اسڪول مڪمل طور غير محفوظ ٿي چڪو آهي، جنهن سبب ٻارن، استادن ۽ اسڪول جي سامان جي حفاظت بابت سنگين خدشا پيدا ٿي ويا آهن اسٽاف مطابق جڏهن واقعي جي ڄاڻ علائقي جي ٿاڻي کي ڏني وئي ته پوليس رپورٽ داخل ڪرڻ کان انڪار ڪندي الٽو چيو ته پاڻ چوكيدار جو بندوبست ڪريو جنهن تي استادن ۽ والدين شديد پريشاني ۽ ناراضگي جو اظهار ڪيو استادن جو چوڻ آهي ته اسڪول ۾ اڳ ۾ ئي حفاظتي انتظام ناڪافي هئا، ۽ هاڻي گريلن جي چوري بعد عمارت مڪمل طور کليل ٿي وئي آهي، جنهن سبب رات جو ڪنهن به وڏي حادثي يا ٻيهر چوري جو خطرو وڌي ويو آهي علائقي واسين ۽ والدين اعليٰ اختيارين، تعليم کاتي ۽ انتظاميه کان فوري طور چوكيدار جي مقرري، اسڪول جي سيڪيورٽي جي بحالي ۽ پوليس جي تعاون جو مطالبو ڪيو آهي۔ انهن چيو ته جيڪڏهن اسڪول جي حفاظت يقيني نه بڻائي وئي ته ٻارن جي جان ۽ سرڪاري ملڪيت مستقل خطري ۾ رهندي۔
0 تبصرے