ماهيگيرن جي عالمي ڏينهن تي ابراهيم حيدرِي ۾ رنگا رنگ تقريب

پاڪستان فشر فوڪ فورم پاران گيت، تقريرون، ڊراما ۽ ٽيبلوز پيش، ماهيگيرن جي مسئلن جو چارٽر پيش

مهاڻا پاڪستان جي معيشت ۾ اهم ڪردار ادا ڪن ٿا، سندن مسئلا حل ڪرڻ لاءِ حڪومت جي سهڪار جي ضرورت آهي : مقرر ملير (رپورٽ: عبدالرشيد مورجھريو) ماهيگيرن جي عالمي ڏينهن 21 نومبر، جي موقعي تي پاڪستان فشر فوڪ فورم جي انتظام هيٺ ابراهيم حيدري جي موٽاڻي جي ٽي شاندار ۽ رنگا رنگ پروگرام منعقد ڪيو ويو، جنهن ۾ ماهيگيرن برادري، عورتن، نوجوان، سماجي اڳواڻن ۽ مختلف تنظيمن جا نمائندا وڏي تعداد ۾ شرڪت ڪئي فشر فوڪ فورم جي اڳواڻن ۽ مهاڻن جي نمائندن خطاب ڪندي ساموندري آلودگي، غير قانوني ٽرالنگ، روزگار جا مسئلا، ساحلي آبادين جي محرومين ۽ مهاڻن جا حق واضح ڪيا۔ مقررن خطاب ڪندي چيو ته مهاڻا پاڪستان جي معيشت ۾ اهم ڪردار ادا ڪن ٿا، پر انهن کي درپيش مسئلا حل ڪرڻ لاءِ حڪومت جي ڌيان ۽ سهڪار جي ضرورت آهي پروگرام ۾ ثقافتي رنگ به نمايان رهيو۔ ٻارن ۽ نوجوانن گيت، رقص، ڊراما ۽ ٽيبلوز پيش ڪيا، جنهن ۾ مهاڻن جي زندگي، سندن مشڪلاتون، سمنڊري ثقافت ۽ ماحول دوست پيغام خوبصورت انداز ۾ اجاگر ڪيا ويا۔ شرڪت ڪندڙن انهن پيشڪشين کي وڏي تعريف سان ساراهيو۔فشر فوڪ فورم جي اڳواڻن سان گڏ فشر مين ڪوآپريٽو سوسائٽي جي چيئرپرسن فاطمه مجيد موٽاني به شرڪت ڪئي، جن مهاڻن کي درپيش معاشي، سماجي ۽ ماحولياتي مسئلن تي تفصيلي گفتگو ڪئي۔ هن چيو ته ماهيگيرن پاڪستان جي غذائي ۽ معيشي ضرورتن کي پورو ڪرڻ ۾ ڪرنگي جي هڏي جي حيثيت رکن ٿا، پر انهن کي بنيادي سهولتن ۽ سرڪاري سپورٽ جي سخت ضرورت آهي۔ ان موقعي تي پاڪستان فشر فوڪ فورم جا مرڪزي جنرل سيڪريٽري سعید بلوچ، انفارميشن سيڪريٽري ايوب شان خاصخيلي، مجيد موٽاني، طالب ڪڇي ۽ ٻين اڳواڻن به خطاب ڪيو ۽ چيو ته ماهيگير برادري کي مضبوط اقتصادي قوت بڻائڻ لاءِ تعليم، هُنر مندي، جديد اوزار، ماحول دوست پاليسيون ۽ غير قانوني ٽرالنگ جي خاتمي لاءِ فوري ڪم ضروري آهي۔رہنمائن جو عزم هو ته ماڇي مارين جا حق، سامونڊي وسيلن جو تحفظ ۽ ساحلي برادرين جي ترقي لاءِ جدوجهد جاري رکجي۔ ان موقعي تي حڪومت کان مطالبو ڪيو ويو ته سمنڊ ۾ غير قانوني ٽرالنگ جي خلاف سخت ڪارروائي ڪئي وڃي ساحلي علائقن ۾ تعليم، صحت، پاڻي ۽ روزگار جون سهولتون فراهم ڪيون وڃن ماڇي مار ٻارن ۽ نوجوانن لاءِ خاص تعليمي ۽ تربيت واريون پروگرام شروع ڪيون وڃن تقريب جي آخر ۾ ماڇي مار برادري جي بزرگن کي اجرڪون اوڍائي سندن خدمتن جو اعتراف ڪيو ويو، جڏهن ته شرڪت ڪندڙن عالمي ڏينهن کي ماڇي مارين جي حقن ۽ سندن تحفظ لاءِ جدوجهد جي تجديد جو ڏينهن قرار ڏنو۔