ٺٽو پوليس پاران ڏوهاري کي زخمي حالت ۾ گرفتار ڪرڻ جي دعويٰ

مقابلي دوران عبدالرزاق گندرو کي زخمي حالت ۾ گرفتار ڪري ورتو: پوليس

ٺٽو ( شفيق ڀٽي)ٺٽو پوليس جو مقابلو پوليس مقابلي دوران، چوري، ڦر ۽ موٽرسائيڪل ڦر جي ڪيترن ئي واقعن ۾ ملوث جوابدار کي ڏوهن ۾ استعمال ٿيندڙ سيمي آٽوميٽڪ رائفل سميت گرفتار ڪيو ويو مڪلي ٿاڻي جي حدوود الحسن فارم لنڪ روڊ ويجهو پوليس ۽ جوابدارن جي وچ ۾ فائرنگ جي نتيجي ۾ هڪ جوابدار کي زخمي حالت ۾ گرفتار ڪيو ويو. گرفتار ۽ زخمي جوابدار جي سڃاڻپ عبدالرزاق ولد محمد ابراهيم گندرو جي نالي سان ڪئي وئي آهي، جيڪو گرلز ڪاليج ٺٽو جو رهواسي آهي. شروعاتي جاچ موجب، زخمي حالت ۾ گرفتار جوابدار ٺٽو ۽ مڪلي ٿاڻي جي مختلف علائقن ۾ ڦر، ڌاڙن ۽ موٽرسائيڪل ڦر جي ڪيترن ئي واقعن ۾ ملوث آهي. زخمي جوابدار جي قبضي مان واقعي ۾ استعمال ٿيندڙ سيمي آٽوميٽڪ رائفل پڻ هٿ ڪئي وئي. زخمي جوابدار جو مڪمل ڪرمنل رڪارڊ چيڪ ڪيو پيو وڃي جڏهن ته سندس فرار ٿيل ساٿي جوابدار، جنهن جي سڃاڻپ ياسين پٽ يار محمد گندرو، ناريجا ڳوٺ مڪلي جو رهواسي ۽ گھرام پٽ عبدالمجيد، ٻيلچو، ڪي ڊي موري مڪلي جو رهواسي طور ٿي آهي، تي پوليس ڇاپا هڻي رهي آهي. زخمي جوابدار کي علاج لاءِ اسپتال منتقل ڪيو ويو آهي. وڌيڪ جاچ جاري آهي