ٻن قاسم پوليس هٿان اسٽيل مل مان لوه چوري ڪندڙ 4 اهلڪار گرفتار

ڳجهي اطلاع تي ڪارروائي ڪري شاهين فورس جي چئن اهلڪارن کي گرفتار ڪري ورتو: پوليس

ملير (رپورٽ: عبدالرشيد مورجھريو) ملير ضلعي جي بن قاسم پوليس اسٽيل مل مان قيمتي لوه چوري ۾ ملوث 4 پوليس اهلڪارن کي گرفتار ڪري ورتو پوليس موجب ڪارروائي ڳجهي اطلاع تي ڇاپو هڻي ڪئي ويئي جنهن دوران شاهين فورس ۾ مقرر چار اهلڪار سوگها ڪيا ويا آهن . گرفتار اهلڪارن ۾ هيڊ ڪانسٽيبل علي گل، پوليس ڪانسٽيبل واجد خان، عاصف علي ۽ ظُهور احمد شامل آهن.ڪارروائي دوران سندن قبضي مان 55 ڪلو کان وڌيڪ ٽامون به هٿ آيو اهي پوليس ترجمان موجب گرفتار اهلڪارن خلاف قانوني ڪارروائي جاري آهي ۽ وڌيڪ جاچ ڪئي پئي وڃي.ترجمان ايس ايس پي ملير جو چوڻ آهي ته پوليس ۾ موجود ڪارين رڍن خلاف سخت قدم کنيا پيا وڃن ته جيئن فورس جي ساک برقرار رهي.