ملير: فشرمين ڪوآپريٽو هائوسنگ سوسائٽي جي چيئرپرسن فاطمه مجيد جون اهم ملاقاتون
.فاطمه مجيد ڄاموٽ هائوس پهچي پي ايس 87 جي صدر جان عالم جاموٽ ۽ ٻين اڳواڻن سان ملاقات ڪئي
ملير (رپورٽ: عبدالرشيد مورجھريو)مهاڻن جَي حقن لاءِ جدوجهد ڪندڙ فاطمه مجيد پ پ چيئرمين بلاول ڀٽو زرداري طرفان فشر مين ڪوآپريٽو هائوسنگ سوسائٽي جي چيئرپرسن مقرر ڪرڻ بعد اهم ملاقاتون ڪيون آهن.فاطمه مجيد ڄاموٽ هائوس پهچي پي ايس 87 جي صدر جان عالم جاموٽ ۽ ٻين اڳواڻن سان ملاقات ڪئي، جتي کيس اجرڪ جا تحفا پيش ڪيا ويا.فاطمه مجيد سياسي ۽ سماجي اڳواڻ حاجي شفيع محمد جاموٽ جي فرزند سردار سهيل جاموٽ ۽ فشري ڊاريڪٽر شھزاد ڄاموٽ سان به ملاقات ڪري مهاڻن جي مسئلن تي ڳالهيون ڪيون.ان کان اڳ ابراهيم حيدري ۾ مختلف اڳواڻن ۽ سماجي تنظيمن کيس مبارڪون ڏنيون ۽ اجرڪ جا تحفا پڻ پيش ڪيا.سماجي تنظيم آواز ڪميونٽي ڊولپمينٽ آرگنائيزيشن جي چئيرمين اعجاز ميربحر، ڪائونسلر وارڊ ون ابراهيم حيدري محمد اسماعيل چارڻ، رفيق بلوچ، ذوالفقار خاصخيلي، عمران بلوچ، جميل خاصخيلي، مجيد شيخ، رياض شولاڻي، زاهد لاڙو ۽ ٻين کيس مبارڪباد پيش ڪئي.ان موقعي تي پاڪستان فشر فوڪ فورم جي مرڪزي انفارميشن سيڪريٽري ايوب شان، ڪراچي ڊويزن جي صدر مجيد موٽاڻي، طالب ڪڇي، يوسف ڪڊاڻي، مشفاق بابو ۽ ٻيا پڻ موجود هئا
0 تبصرے