شڪارپور ۾ ميان ڳوٺ واسي پورھيت جو ننڍي منشي خلاف احتجاج

ننڍي منشي منھنجي خلاف رڻ ٻاري ڏنو آھي ڪوڙا ڪيس ڪري حراسان پيو ڪري: الزام

شڪارپور (احسان ابڙو) ميان ڳوٺ شھر واسي پورھيت ضمير احمد شر ميان ڳوٺ ٿاڻي جي ننڍي منشي شاھنواز ٽانوري خلاف پريس ڪلب پھچي احتجاجي مظاھرو ڪندي ميڊيا آڏو دانھيو تہ مان ھڪ شريف پورھيت آھيان منھنجو ميان ڳوٺ شھر ۾ موبائيلن جو دڪان آھي ميان ڳوٺ ٿاڻي جي ننڍي منشي منھنجي خلاف رڻ ٻاري ڏنو آھي مون تي ڪوڙا ڪيس ڪري حراسان ڪري پيو مونکان زبردستي منٿلي جي گھر ڪري رھيو آھي, نہ ڏيڻ جي صورت ۾ شاھنواز ٽانوري پاران مونکي ھفتو اڳ کنڀي گم ڪيو ھو,جنھن بعد ۾ مونکي ھن ڪوڙي ڪيس ۾ ڦاسائي جيل اماڻيو ھو مان ڪورٽ سڳوري مان ضمانت ڪرائي ٻاھر نڪري آيو آھيان مونکي ۽ منھنجي فيملي کي ننڍي منشي شاھنواز ٽانوري ۽ ان جي سالي مان خطرو آھي,مونکي تحفظ فراھم ڪيو وڃي ھن آء جي سنڌ, ڊي آء جي لاڙڪاڻو, ايس ايس پي شڪارپور ۽ ڊي ايس پي سٽي پارس بکراڻي کان گھر ڪئي تہ شاھنواز ٽانوري خلاف انڪوائري ڪرائي قانوني ڪاروائي ڪئي وڃي ۽ مونکي انصاف ڏياريو وڃي.