نوشهروفيروز ۾ پورهيتن جو وڏيرن خلاف احتجاجي مظاهرو

77 views | 18th Aug 2025 • سنڌي خبرون

2ڏينهن اڳ وڏيري نثار عباسي، سندس پٽ باقر عباسي ۽ ٻين تشدد ڪيو: عبدالفتاح ڪلهوڙو

نوشهروفيروز ۾ پورهيتن جو وڏيرن خلاف احتجاجي مظاهرو

نوشهروفيروز (ڊ ر) نوشهروفيروز ۾ وڏيري جي ظلمن خلاف پير ڪرارو واسي ڪلهوڙا برادري جي ماڻهن عبدالفتاح ڪلهوڙو ۽ بشير ڪلهوڙو جو احتجاج انصاف جي گهر، ڳوٺاڻي بشير ڪلهوڙو ميڊيا اڳيان دانهيندي چيو آهي ته ٻه ڏينهن اڳ ڳوٺ جي ظالم وڏيري نثار عباسي، سندس پٽ يوسي چيئرمين باقر عباسي ، تقي عباسي ڀاءُ منظور عباسي وارن بنگلي تي گهرائي سخت تشدد جو نشانو بڻايو ڪپڙا ڦاڙي تذليل ڪئي آهي جن چيو ته تو منظور عباسي کي گاريون ڏنيون آهن هن چيو ته وڏيري جي ظلمن خلاف خانواهڻ ٿاڻي تي ويس ته ايس ايڇ او ڪيس وٺڻ کان انڪار ڪري ڇڏيو ۽ چيو ته ايس ايس پي صاحب ڪيس داخل ڪرڻ کان منع ڪري ڇڏيو آهي ايس ايڇ او وڏيرن خلاف قدم نه ٿو کڻي جيڪا وڏي زيادتي آهي ۽ هاڻي ته وڏيرا سخت نتيجا ڀوڳڻ جون ڌمڪيون به ڏئي رهيا آهن جنهن سبب آءُ ۽ منهنجي فيملي عدم تحفظ جو شڪار آهيون هن سيشن جج نوشهروفيروز، ايس ايس پي نوشھروفيروز سميت ٻين وس وارن کان وڏيري نثار عباسي ۽ سندس ڀاءُ توڙي ٻين جي خلاف قدم کڻڻ جي گهر ڪندي تحفظ ۽ انصاف ڏيڻ جو مطالبو ڪيو آهي