شڪارپور ۾ مولوي علي شير بروھي پاڙي جي رهواسين جو مطالبن جي مڃتا لاءِ احتجاج

غفور لاشاري ۽ سندس پٽ لالو اسان سان مسلسل ناجائزي ڪري رھيا آھن: مظاهرين

شڪارپور (رپورٽر) شڪارپور شھر جي مولوي علي شير بروھي پاڙي جي رھواسي پورھيت غلام نبي عرف مستري ملان چنو غلام علي چنو محمد اويس چنو رافع علي چنو شڪارپور پريس ڪلب پھچي احتجاج ڪندي ميڊيا آڏو دانھيندي چيو ته غفور لاشاري ۽ ان جو پٽ لالو لاشاري جيڪي اسان سان مسلسل ناجائزي ڪري رھيا آھن,بنا جواز حراسان ڪري مارڪٽ ڪن پيا, ھنن چيو تہ اسان انھن جي گاڏي جو واپار ڪرايو ھو جڏھن تہ اسان جو پيسئن جي ڏيتي ليتي سان ڪو واسطو ناھي ان باوجود بہ غفور لاشاري زبردستي تنگ ڪري رھيو آھي, ڪار وڪرو جا پيئسہ ڀري ڏيو,ھنن چيو تہ اسان مسڪين پورھيت آھيون گاڏين جي مسترائپ جو ڪم ڪري پيٽ جو گذر سفر ڪندا آھيون,غفور لاشاري ناجائزي ڪري گاڏي جا پيئسہ اسان کان اڳاڙڻ چاھي پيو جن کي گاڏي ڏني انھن کان پيسئہ وصول ڪري ھي اسان کي بليڪ ميل ڪري رھيو آھي,اڄ بہ ھن ڏنڊا بردار ماڻھو وٺي دڪان تي حملو ڪري اسان مٿان تشدد ڪري ويو آھي جنھن ۾ اسان جا 3 ماڻھو زخمي ٿي پيا آھن ھنن ڊي آء جي لاڙڪاڻو, ايس ايس پي شڪارپور ڊي ايس پي سٽي ميڊيم پارس بکراڻي سميت اعليٰ اختيارين کان گھر ڪئي تہ معاملي جو نوٽيس وٺي انصاف فراھم ڪيو وڃي ۽ وياج خور کان تحفظ ڏياريو وڃي