سنڌ جي عوام کي سهولتون فراهم ڪرڻ لاءِ پ پ حڪومت عملي جدوجهد ڪري رھي آھي: فياض علي ٻٽ

فياض علي ٻٽ ڏوڪري جي صحافي زبير منگي جي ڀيڻ، اسسٽنٽ مختيارڪار ڪامران ضمير منگي ۽ رضوان منگي جي پڦي جي لاڏاڻي تي تعزيت ڪئي

ڏوڪري(اطهر ميمڻ)پ پ ايم پي اي فياض علي ٻٽ چيو آھي ته سنڌ جي عوام کي بنيادي سهولتون فراهم ڪرڻ لاءِ پ پ حڪومت عملي جدوجهد ڪري رھي آھي، 18 ھين ترميم پ پ جو عظيم ڪارنامو آھي، جنھن سان پ پ جي صوبائي حڪومت سنڌ جي عوام کي اجھو، اٽو، لٽو ۽ روزگار مھيا ڪيو آھي. عوام کي ڪنھن بہ صورت ۾ اڪيلو نه ڇڏينداسين، سندن ھر ڏک سک ۾ ساڻن گڏ آھيون. اھڙن خيالن جو اظهار پ پ ضلعي دادو جي جنرل سيڪريٽري ايم پي اي فياض علي ٻٽ ڏوڪري جي صحافي زبير منگي جي ڀيڻ، اسسٽنٽ مختيارڪار ڪامران ضمير منگي ۽ رضوان منگي جي پڦي جي لاڏاڻي تي تعزيت بعد صحافين سان ڳالھائيندي ڪيو. ٻئي طرف پ پ ايم اين اي نظير ٻگھيو جي فرزند ۽ لاڙڪاڻو ڊسٽرڪٽ ڪائونسل ميمبر بئريسٽر غلام مرتضي ٻگھيو، رٽائرڊ ڪرنل نظير احمد جتوئي، يوسي چيئرمين ايڊوڪيٽ جمن ٻگھيو، صحافي شيراز پٺاڻ، منظور ميراڻي، نديم ميمڻ ۽ ٻين پڻ منگي ھائوس پھچي صحافي زبير زرار منگي، شڪيل منگي، ڪامران ضمير منگي، رضوان منگي، عمران ضمير منگي ۽ ٻين سان پڦي جي وفات تي ساڻن تعزيت ڪئي.