شڪارپور ۾ ڳوٺ ڪلر واسين جو بااثرن خلاف احتجاج

بااثر گهر تي قبضي جي ڪوشش ڪري رهيا آهن: نظير بروهي

شڪارپور (احسان ابڙو) شڪارپور جي ڪلر ڳوٺ واسي پورھيت نظير بروھي,عبدالستار بروھي پيرسن مسمات حليمہ بروھي سان گڏجي پريس ڪلب پھچي احتجاج ڪندي دانھيون تہ اسان ڳوٺ ڀرسان 2 جريب زمين محمد ابراھيم بروھي کان خريد ڪئي آھي جنھن جا دستاويز ڪاغذات اسان وٽ موجود آھي زمين جو کاتو بہ اسان محمد ابراھيم بروھي کان ورتو آھي, جتي اسان پنھنجو گھر اڏيو آھي,ھاڻي اسان جي گھر تي عبدالرشيد بروھي ۽ ان جا پٽ واجد بروھي, عمران بروھي,سجاد بروھي,محبوب بروھي ۽ ٻيا زبردستي قبضو ڪرڻ چاھن ٿا جنھن جو ڪيس اسان شڪارپور جي سيشن ڪورٽ ۾ داخل ڪرايو آھي ڪيس ڪورٽ ۾ ھلندڙ آھي,ان باوجود بااثر قبضہ مافيا گھر مٿان ڪاھ ڪري گھر کي باھ ڏيئي گھر اندر موجود اسان جي نياڻي سميرا بروھي ڌڪ ھڻي زخمي ڪري فرار ٿي ويا آھن,جنھن کي ڳڻتي جوڳي حالت ۾ سکر اسپتال ريفر ڪيو آھي ماڙي پوليس بہ انھن سان ٻٽ بڻيل آھي, ھنن آء جي سنڌ, ڊي آء جي لاڙڪاڻو,ايس ايس پي شڪارپور کان گھر ڪئي تہ خدارا قبضہ مافيا خلاف ايڪشن ورتو وڃي ۽ اسان کي قبضہ مافيا کان تحفظ فراھم ڪري قبضو ختم ڪرائي ڏنو وڃي.