ٺٽو پوليس پاران ڀاءُ کي قتل ڪندڙ جوابدار کي گرفتار ڪرڻ جي دعويٰ

ٺٽو ( محمد شفيق ڀٽي)ٺٽو پوليس جي ڪامياب ڪارروائي ڪجهه ڏينهن اڳ گهارو شهر ۾ ڀاءُ پاران پنهنجي ننڍي ڀاءُ انس ڪورائي کي ڪُهاڙي سان مارڻ ۾ ملوث جوابدار کي واقعي ۾ استعمال ٿيندڙ ڪُهاڙي سميت گرفتار ڪري، ڪيس داخل ڪيو ويو. تفصيل موجب، 17 سيپٽمبر 2025 جي رات گهارو جي نيازي ڪالوني پوليس اسٽيشن جي حد ۾ وڏي ڀاءُ عبدالمالڪ ڪورائي پنهنجي ننڍي ڀاءُ انس ڪورائي کان موبائل فون لاءِ پئسا گهريا. جنھن تان تڪرار ٿيو، جنهن تي وڏي ڀاءُ پنهنجي ننڍي ڀاءُ کي ڪُهاڙي سان وار ڪري زخمي ڪري ڇڏيو. جنھن کي پوليس جي نگراني ۾ علاج لاءِ رورل هيلٿ سينٽر گهارو منتقل ڪيو ويو جتان کيس جناح اسپتال ڪراچي ريفر ڪيو ويو ھو جتي انس ڪورائي زخمن جا سور نه سهندي رستي ۾ ئي فوت ٿي ويو. مقتول جي لاش کي پوسٽ مارٽم لاءِ رورل هيلٿ سينٽر گھارو منتقل ڪيو ويو، ۽ مقتول جي وڏي ڀاءُ محمد ابراهيم ڪُورائي جي شڪايت تي گھارو پوليس اسٽيشن ۾ پاڪستان پينل ڪوڊ جي سيڪشن 302 تحت ڪيس نمبر 202/2025 داخل ڪيو ويو.ايس ايس پي ٺٽو فاروق احمد بجاراڻي ان واقعي جو سخت نوٽيس ورتو ۽ ايس ڊي پي او گھارو، ايس ايڇ او گھارو ۽ ٻين اعليٰ آفيسرن جي سربراهي ۾ هڪ ٽيم ٺاهي.جاچ دوران، ايس ڊي پي او ساڪرو ڊي ايس قادر بخش خاصخيلي، ايس ايڇ او گھارو انسپيڪٽر محمد علي ڌامراھ پنهنجي عملي سان گڏ اطلاع ملڻ تي نيو ڪيفي عمران ويجهو ڪاميابي سان آپريشن ڪيو ۽ قتل ڪيس ۾ گهربل جوابدار عبدالمالڪ ڪُورائي کي گرفتار ڪيو.شروعاتي جاچ دوران، گرفتار جوابدار ڏوهه جو اعتراف ڪيو آهي، ۽ جوابدار جي سڃاڻپ تي قتل ڪيس ۾ استعمال ٿيل ڪهاڙي به هٿ ڪئي وئي آهي. وڌيڪ جاچ جاري آهي.ايس ايس پي ٺٽو قتل ڪيس کي جلد حل ڪرڻ ۾ بهترين ڪارڪردگي ڏيکارڻ تي پوري پوليس ٽيم کي تعريفي سرٽيفڪيٽ ڏيڻ جو اعلان ڪيو آھي