مورو واقعي جي متاثرن سان يڪجهتي لاءِ پهتاسين، 54 کي گرفتار ۽ سوين ماڻهن کي کنڀي گم ڪيو ويو آهي: سيد زين شاهه

نوشهروفيروز(ڊر)ايس يو پي سنڌ جو صدر سيد زين شاه پريس ڪلب ۾ پريس ڪانفرنس ڪندي چيو آهي ته مورو واقعي ۾ شهيد ٿيل ٻن نوجوانن ۽ جيل ۾ قيد 54 ڄڻن جي ڪيس جو اڄ چالان پيش ٿيڻو هيو جيڪو اڄ پيش نه ٿي سگهيو اسان ڳوٺ لغاري بجاراڻي جي ڳوٺاڻن ۽ قومي ڪارڪنن سان يڪجهتي طور آياسين پر کين عدالت ۾ پيش نه ڪيو ويو هن چيو ته پنهنجي ڌرتي ۽ پاڻيءَ جي مالڪي ڪرڻ لاءِ نڪتل پر امن احتجاج تي ويٺل ڪارڪنن مٿان رياست ۽ پيپلزپارٽي جي خانگي دهشتگردي ٻه نوجوان شهيد ڪيا ۽ ٻين تي ڪوڙا ڪيس داخل ڪري ڇڏيا جن کي مختلف جيلن ۾ قيد ڪيو ويو آهي هن چيو ته جعلي اليڪشن ذريعي آيل حڪمران وسيلن جي لٽ مار ۾ رڌل آهن جن عوام جو جيئڻ جنجال ڪري ڇڏيو آهي ڪجهه سياسي پارٽين کي سياست ڪرڻ ڏني پئي وڃي ته وري ٻين سياست ڪرڻ کان روڪيو ويو آهي پنهنجي ڌرتيءَ ۽ وطن جي دفاع ڪندڙ مالڪن کي يرغمال بڻايو ويو آهي پر اسان قومي ڪارڪنن کي اڪيلو نه ڇڏينداسون ساڻن هر جڳھ تي ساٿ ڏنو ويو آهي ۽ ڏينداسين آهي پاڻ کي اڪيلو نه سمجهن هن وڌيڪ چيو ته مورو واقعي جي سياسي قيدين جي ملاقات بند ڪري انهن کي حراسان ڪيو ويو آهي ايس ايس پي چالان پيش ڪري بيگناهه قيد ٿيل کي انصاف فراهم ڪري جتوئي ڀائرن کي هروڀرو ڪيسن ۾ الجهائڻ وارو سلسلو هاڻي بند ٿيڻ گهرجي حقن جي لاءِ جدوجهد جاري رکي ويندي ان موقعي تي نائب صدر روشن ٻرڙو، اسلم ڪوريجو، رضا بهڻ، خادم سيال ،مهر وسطڙو، سڪندر اعظم ڪلهوڙو، آصف سولنگي ٻيا ڪارڪن موجوده هيا