ملير ۾ پي ڪي ميٽ ڪمپني انتظاميا 50مقامي پورهيتن کي ڪڍي ڇڏيو، احتجاجي ريلي ۽ ڌرڻو

ملازمن جي رزاق آباد جدوجهد ڪميٽي ۽ سياسي تنظيمن جي ڪارڪنن سان گڏ ريلي ڪڍي ڌرڻو هنيو، بحالي جو مطالبو

ملير(رپورٽ: عبدالرشيد مورجھريو) ملير ۾ پي ڪي ميٽ ڪمپني انتظاميا مقامي پورهيتن خلاف رڻ ٻاري ڏنو ،ڪمپني انتظاميا ۽ ٺيڪيدار 25 سالن کان ڪم ڪندڙ 50 مقامي ملازمن کي پگهارون وڌائڻ جي مطالبي تي ڪاوڙجي نوڪري تان بيدخل ڪري ڇڏيو ،ملازمن جي رزاق آباد جدوجهد ڪميٽي ۽ سياسي تنظيمن جي ڪارڪنن سان گڏ رزاق آباد جي مک چوڪ کان عوامي پريس ڪلب ملير تائين ريلي ۽ ڌرڻو ،بحالي لاءِ سخت نعريبازي، ڌڻي پرتو موسي ڳوٺ لڳ پي ڪي گوشت ڪمپني انتظاميا ۽ ٺيڪيدارجو پورهيت سان جانورن جهڙو سلوڪ آهي ،25 سالن کان ڪم ڪندڙ ملازمن کي قانون جي ابتڙ رڳو 25000 هزار ماهوار پگهار ڏني پئي وڃي پورهيتن سان غالمن جهڙُو ورتاءُ ڪري ڪنڌ هيٺ ڪري هلڻ ۽ زبان بندي ڪئي ويئي آهي تفصيل موجب ملير ۾ ڌڻي پرتو موسي ڳوٺ لڳ گوشت پي ڪي ڪمپني انتظاميا مقامي پورهيتن خلاف رڻ ٻاري ڏنو آهي 25 سالن کان ڪم ڪندڙ 50 مقامي ملازمن کي پگهارون وڌائڻ جي مطالبي تي ڪاوڙجي نوڪري تان بيدخل ڪيو ويو آهي جنهن خلاف ملازمن، رزاق آباد جدوجهد ڪميٽي ۽ سياسي تنظيمن جي ڪارڪنن سان گڏجي اورنگزيب جوکيو، اقبال ڪلمتي، فيض سنڌي وهاب سنڌي، مختيار سومرو، شيراز سولنگي، امتياز علي جوکيو، مظهرعلي جوکيو، سليمان جوکيو، اسد رحمان جوکيو، داود جان جوکيو محمد ثمير جوکيو جي اڳواڻي ۾ رزاق آباد جي مک چوڪ کان ريلي ڪڍي عوامي پريس ڪلب ملير اڳيان پهچي ڌرڻو هنيو احتاجي پورهيت جي هٿن ۾ بينر ۽ پليڪراڊ هئا هو پورهيتن سان ظلم بند ڪريو بيدخل مقامي پورهيتن کي بحال ڪريو جا اڀ ڏاريندڙ نعرا هڻي رهيا هئا ان موقعي تي احتجاجي ڌرڻي کي خطاب ڪندي پورهيت اڳواڻن چيو ته ملير قومي شاهراھ لڳ ڌڻي پرتو موسي ڳوٺ ڀرسا پي ڪي گوشت ڪمپني جي انتظاميا ۽ ٺيڪيدارجو پورهيتن سان جانورن جهڙو سلوڪ آهي گذريل 25 سالن کان ڪم ڪندڙ ملازمن کي سنچ حڪموت جي اعلنيل پگهرن جي قانون جي ابتڙ رڳو ماهوار 25000 هزار پگهار ڏني پئي وڃي هنن چيو ته پورهيتن خاص طور مقامي پورهيتن کي ڪنڌ هيٺ ڪري هلڻ زبان بندي جا حڪم ٿيل آهن انساني ۽ مدور حق پامال ڪيا ويا آهن هنن سنڌ حڪومت جي وڏي وزير، پورهئي واري وزير، ليبر کاتي جي ڪامورن ۽ انساني حقن جي تنظيمن کي اپيل ڪئي ته ڄاڻايل خانگي ڪمپني اتظاميا ۽ ٺيڪدار خلاف قانوني ڪاروائي ڪري مقامي ملازم بحال ڪرائي قانون پٽاندڙ پگهارون ۽ ٻيون سهولتون ڏياريون وڃن