ٽالهي ويجهو ڳوٺاڻن جو بااثرن خلاف احتجاج، لوڙهي کي باهه ڏيڻ جو الزام

بااثرن عورتن سميت گهرن ۾ گهڙي گارگند بعد لوڙهي کي باهه ڏني: مظاهرين

ٽالهي (رپورٽر) ٽالهي لڳ ڳوٺاڻن پاران بااثرن جي مبينا زيادتين خلاف احتجاج گھر جي چوڌاري ڏنل لوڙهي کي مبينا باهه ڏيڻ جو الزام اسان مٿان الزام بي بنياد آهن، الزام هيٺ آيل ڌر خبر موجب ٽالهي لڳ ڳوٺ سنجر خان گرگيز واسين پاران ڳوٺ جي بااثرن جي مبينا زيادتين خلاف احتجاج ڪيو ويو احتجاج ڪندڙن امير حسن گرگيز، امير سلطان گرگيز، غلام حيدر گرگيز، سندس ئي برادري جي دريا خان گرگيز ،محبت خان گرگيز ، ۽ اياز گل گرگيز مٿان الزام هڻندي دائهيندي چيو ته ڏھ محرم جي ڏينهن مٿي ڄاڻايل برادري جا ماڻهو اسان جي گهرن ۾ گهڙي عورتن سان گارگند ڪئي ۽ ڌمڪيون ڏنيون ۽ رات دير سان اسان جي گهر کي ڏنل چوڌاري ڏنل لوڙهي کي باھ ڏني وئي جڏهن اسان سڄاڳ ٿيا سين ته همراه ڀڄي ويا پوءِ اسان پنهنجي مدد پاڻ تحت پاڻي هاري باھ تي ڪنٽرول آندو ويو ۽ پوليس کي اطلاع پڻ ڪيو ۽ ٿاڻي تي وياسين پر پوليس عملو نه هجڻ ڪري صبح جو دوبارہ وڃي اپليڪشن پڻ ڏني آهي پر ڪا به ڪارروائي ناهي ٿي هنن وڌيڪ چيو ته اسان کي زبردستي هتان کان لاڏايو پيو وڃي هنن مطالبو ڪندي گهر ڪئي ته معاملي جو نوٽيس وٺي اسان سان انصاف ڪيو وڃي ٻي پاسي الزام هيٺ آيل ڌر جي اياز گل گرگيز جو چوڻ هو ته اسان مٿان لڳل الزام بي بنياد آهن هنن مٿان چوري ثابت ٿي هئي جنهن جي ڪري اهڙو اسان مٿان الزام هنيو پيو وڃي انڪوائري ڪئي وڃي اسان ملوث ناهيون هوڏانهن پوليس سان رابطو ڪرڻ تي هنن ٻڌايو ته اسان کي اهڙي اپليڪشن ملي آهي معاملي جي جاچ ڪيون پيا