حڪمران سنڌ جي وسيلن کي مال غنيمت سمجهي لٽي رھيا آھن: ڪامريڊ ثمر حيدر جتوئي

ڏوڪري(رپورٽر) وفاق ۽ سنڌ جا حڪمران سنڌ جي وسيلن کي مال غنيمت سمجهي لٽي رھيا آھن پيپلز پارٽي سنڌ ۾ ترقي جون وڏيون وڏيون دعوائون ڪري ٿي جيڪي سڀ ڪوڙيون آھن اڄ به سنڌ جا ماڻھو ٻن ويلن جي ماني لاءِ پريشان آھن اھڙو اظھار سنڌ ھاري ڪاميٽي جي مرڪزي صدر ڪامريڊ ثمر حيدر جتوئي ڏوڪري پريس ڪلب ۾ صحافين سان ڳالهائيندي ڪيو ھن وڌيڪ چيو تہ سنڌ ۾ گذريل 17 سالن کان اقتدار ۾ ويٺل پيپلزپارٽي جا حڪمران سنڌ کي سواء بک بدحالي بدامني مھانگائي ڪرپشن جي ٻيو ڪجھ به نه ڏئي سگهيا جڏھن ته پيپلزپارٽي سنڌ کي اھڙا گھاء ڏنا آھن جيڪي تاريخ ۾ ياد رکيا ويندا پھرئين ڊجيٽل آدمشماري ذريعي سنڌ کي اقليت ۾ تبديل ڪرڻ جي ڪوشش ڪئي وئي ھينئر سنڌ جو پاڻي وڪرو ڪيو پيو وڃي سنڌ جون زمينون ڪارپوريٽ فارمنگ ذريعي وڪڻيون پيون وڃن سنڌين لاء ڌرتي کسي پئي وڃي عوام جيستائين وڏيرن جاگيردارن ميرن پيرن کان جان نه ڇڏائيندي تيستائين سنڌ جي عوام جي حالت نه سڌرندي تنھنڪري عوام کي ھاڻي انھن کان جان ڇڏائڻي پوندي پنھجي حقن جي حاصلات لاء اٿڻو پوندو ٻي صورت ۾ ھي وڏيرا، جاگيردار، مير ،پير سنڌ کي کائي ويندا.