عمرڪوٽ ۾ بيواهه عورت ۽ سندس ڌيءَ تي تشدد ۽ گهر تي قبضي جو يوسي چيئرمين ۽ ٻين خلاف ڪيس داخل، احتجاج

متاثر عورت جي فرياد تي ڀائٽي يوسي چيئرمين روشن راهمون، مولا بخش، اسد، اسماعيل نهڙي ۽ ٻين ڪيس داخل

عمرڪوٽ(رپورٽ:ڪانجي رکيسر) ۾ بيواھ عورت جي گھر تي قبضو ڪندڙ جوابدارن خلاف سٽي ٿاڻي تي ڪيس داخل، بيواھ مقيمان راھمون جي فرياد تي سندس ڀائٽي يوسي چيئرمين روشن راھمون، مولا بخش ، اسد علي راھمون، اسماعيل نھڙي، صالح آريسر ،ممتاز سومرو سميت ھڪ نامعلوم شامل، جوابدارن جي گرفتاري لاءِ متاثرن جو پريس ڪلب عمرڪوٽ آڏو احتجاجي مظاهرو ڪري ڌرڻو ھنيو، ڌرڻي ۾ فريادي عورت مقيمان راھمون، سندس ڌي خديجہ، مشتاق راھمون، صدام عزيز، راھمون، قمرالدين راھمون، گلشير راھمون ۽ راھمون برداري جي معززن سميت عمرڪوٽ بار جي وڪيلن ميان گل منير ولھاري، جي ايم آريسر، اسلام الدين راھمون، ۽ سول سوسائٽي جي ماڻهن وڏي تعداد ۾ شرڪت ڪئي، متاثر عورت مقيمان راھمون مظاهري کي خطاب ڪندي چيو ته روشن راھمون يوسي چيئرمين آھي جنھن مڙس جي 800 ايڪڙ زمين سميت تقريبن 74 ڪروڙ روپين جي ملڪيت تي قبضو ڪري ڇڏيو آھي، اسان کي رھائش لاءِ ھڪ گھر به نٿو ملي جيڪا زمين اسان کي ملي ان جو پاڻي بند ڪري ڇڏيو آھي، گذريل ڏينهن غنڊا وٽي اچي قبضي ڪرايو ۽ نياڻي کي ھٿيارن جي زرو تشدد ڪيو ۽ گھران ٻاھر ڪڍي بنگلي ۾ شراب پيئندا رھيا، پوليس جوابدارن کي ھٿن سان فرار ڪرائي ڇڏيو، جوابدار جو يوسي چيئرمين آھي، سياسي سپورٽ ھجڻ سبب اسان جي ڪيس ۾ پوليس سستي پئي ڪري، ھنن مطالبو ڪيو ته جلد جوابدار گرفتار ڪيا وڃن،