ملير ۾ سنڌ انڊيجينيس رائٽس الائنس طرفان زمين تي واپار ۽ بدامني خلاف ريلي ڪڍي وئي

ملير (رپورٽ: عبدالرشيد مورجھريو)سنڌ انڊيجينيس رائٽس الائنس طرفان زمين تي والار ، ريتي بجري جي غيرقانوني چوري۽ حفيظ بلوچ سميت قانوني ٽيم تي ٿيل حملي خلاف ڪاٺوڙي ۾ احتجاجي ريلي ڪڍي وئي ريلي جي اڳواڻي خدا ڏنو شاهه، حفيظ بلوچ، ابيرا اشفاق، رخمان گل پالاري، ناصر بلوچ، عبدالخالق جوڻيجو، علي مستوئي ۽ ٻين سماجي اڳواڻن ڪري رھيا ھئا ريلي ۾ شريڪ ماڻھن جي هٿن ۾ بينر ۽ پلي ڪارڊ کڻي ۽ ھو نعريبازي ڪري ڪري مطالبو ڪري رهيا ھئا ته زمين تي والار ۽ قدرتي وسيلن جي چوري ۾ ملوث بااثر ماڻهن خلاف فوري ڪارروائي ڪئي وڃي. اڳواڻن جو چوڻ هو ته زرعي زمينن مان وڏي پيماني تي کوٽائي ڪري ريتي ۽ بجري چوري ڪئي پئي وڃي جنھن سان نه رڳو ماحولياتي تباهي وڌي رهي آهي، پر مقامي ماڻهن جي روزگار ۽ رهڻي ڪهڻي تي به شديد منفي اثر پيو پوي احتجاج ڪندڙن وڌيڪ چيو ته حفيظ بلوچ سميت ڪامريڊ ابيرا اشفاق سميت قانوني ٽيم تي ٿيل حملي جو مقصد آواز اٿارڻ وارن کي خاموش ڪرائڻ آهي، جيڪو ڪنهن به صورت ۾ برداشت نه ڪيو ويندو. انهن حڪومت کان مطالبو ڪيو ته حملو ڪندڙن کي فوري گرفتار ڪري انصاف فراهم ڪيو وڃي ريلي ۾ مقامي ڳوٺاڻن، سماجي ڪارڪنن ۽ سياسي ڪارڪنن وڏي تعداد ۾ شرڪت ڪئي ۽ جدوجهد جاري رکڻ جو عزم ورجايو